മദ്യപിച്ച് വഴക്കുണ്ടാക്കി, മുറിയില്‍ നിന്ന് പുറത്തിറങ്ങാന്‍ പറഞ്ഞപ്പോള്‍ കത്തികൊണ്ട് കുത്തി; 22കാരനെതിരെ വധശ്രമത്തിന് കേസ്

കണ്ണൂര്‍: മദ്യലഹരിയില്‍ വഴക്കുണ്ടാക്കിയപ്പോള്‍ എതിര്‍ത്തതിന് പശ്ചിമബംഗാള്‍ സ്വദേശിയെ കുത്തിക്കൊലപ്പെടുത്താന്‍ ശ്രമം. കാഞ്ഞങ്ങട് വടകരമുക്കില്‍ താമസിക്കുന്ന ഉത്തം ദത്തിനാണ്(22) കുത്തേറ്റത്. ഇയാളുടെ ഒപ്പം താമസിക്കുന്ന ഇമാനുള്‍ എന്നയാളാണ് കുത്തി പരിക്കേല്‍പ്പിച്ചത്.

കത്തികൊണ്ട് വയറിന് ആഴത്തില്‍ മുറിവേറ്റ നിലയില്‍ ദത്തിനെ കണ്ണൂര്‍ ഗവ. മെഡിക്കല്‍ കോളജില്‍ പ്രവേശിപ്പിച്ചു. മദ്യലഹരിയില്‍ ഇമാനുള്‍ വഴക്കുണ്ടാക്കിയപ്പോള്‍ പുറത്തു പോകാന്‍ ദത്ത് ആവശ്യപ്പെട്ടതാണ് അക്രമകാരണം. സംഭവത്തില്‍ വധശ്രമത്തിന് ഹൊസ്ദുര്‍ഗ് പൊലീസ് കേസെടുത്തു.