സ്കൂൾ കെട്ടിട നിർമ്മാണത്തിനിടെ മൂന്നാം നിലയിൽ നിന്ന് വീണ് തൊഴിലാളി മരിച്ചു

ഉദുമ: നിർമ്മാണ പ്രവൃത്തി പുരോഗമിക്കുന്ന സ്കൂൾ കെട്ടിടത്തിന്റെ മൂന്നാം നിലയിൽ നിന്ന് കാൽവഴുതി വീണ് ഇതരസംസ്ഥാന തൊഴിലാളി മരിച്ചു. പശ്ചിമ ബംഗാൾ കൊച്ച് ബിഹാർ കേശോരിബരി കർക്കാരിയ കേതാർഹട്ട് സ്വദേശി രതികാന്ത വർമ്മന്റെ മകൻ ശ്യാംചരൺ ബർമാൻ (44) ആണ് മരിച്ചത്. ഉദുമ നാലാംവാതുക്കലിൽ പണി നടന്നുകൊണ്ടിരിക്കുന്ന ഉദുമ ഗവ. ഹയർ സെക്കൻഡറി സ്കൂൾ കെട്ടിടത്തിലാണ് ദാരുണമായ സംഭവം ഉണ്ടായത്.

കെട്ടിടത്തിന്റെ മൂന്നാം നിലയിൽ നിർമ്മാണ ജോലിയിൽ ഏർപ്പെട്ടിരിക്കെ ശ്യാംചരൺ അബദ്ധത്തിൽ കാൽവഴുതി താഴേക്ക് പതിക്കുകയായിരുന്നു. വീഴ്ചയുടെ ആഘാതത്തിൽ തലയ്ക്ക് ഗുരുതരമായി പരിക്കേറ്റ ഇയാളെ ഉടൻ തന്നെ സഹപ്രവർത്തകരും നാട്ടുകാരും ചേർന്ന് വിദഗ്ദ്ധ ചികിത്സയ്ക്കായി മംഗലാപുരത്തെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ പൊലീസ് തുടർനടപടികൾ സ്വീകരിച്ചു