തൃശ്ശൂര്: ചാലക്കുടി മേലൂര് ഗ്രാമപഞ്ചായത്തിലെ കുറുപ്പം ഒമ്പതാം വാര്ഡില് വീശിയടിച്ച മിന്നല് ചുഴലിയില് വ്യാപക നാശനഷ്ടം. പത്തിലധികം വീടുകളിലാണ് ചുഴലി നാശം വിതച്ചത്. ജാതി, വാഴ, റബ്ബര്, കവുങ്ങ് എന്നിവയുള്പ്പെടെ കാര്ഷിക വിളകള് വ്യാപകമായി നശിച്ചു. ശക്തമായ കാറ്റില് പത്തിലധികം കര്ഷകരുടെ കൃഷിയിടങ്ങളാണ് പൂര്ണമായും നശിച്ചത്.
രണ്ട് വീടുകളുടെ മേല്ക്കൂരയിലെ ഷീറ്റുകള് തകര്ന്ന് വീണു. എന്നാല് ആളപായമില്ല. മേലൂര് പഞ്ചായത്ത് കൃഷി ഓഫീസര് രാഹുല് കൃഷ്ണന്, അസിസ്റ്റന്റ് കൃഷി ഓഫീസര് വൈഎസ് അനില്, ഗ്രാമപഞ്ചായത്ത് അംഗം പിആര് പ്രദീപ് എന്നിവരുടെ നേതൃത്വത്തില് സ്ഥലം സന്ദര്ശിച്ച് പ്രാഥമിക പരിശോധന നടത്തി. 25 ലക്ഷം രൂപയുടെ നാശനഷ്ടങ്ങള് സംഭവിച്ചതായാണ് പ്രാഥമിക വിലയിരുത്തല്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
