റിലീസ് ദിവസം സോഷ്യല്‍ മീഡിയയിലുണ്ടായ കൂട്ടആക്രമണത്തെ തകര്‍ത്ത് ബോക്‌സ്ഓഫീസില്‍ ഒടിയന്റെ കുതിപ്പ്. ആദ്യത്തെ മൂന്ന് ദിവസത്തില്‍ അറുപത് കോടി രൂപയാണ് ചിത്രം വാരിയത്. ഒഫീഷ്യല്‍ ഫേയ്‌സ്ബുക് പേജിലൂടെ അണിയറപ്രവര്‍ത്തകരാണ് ചിത്രത്തിന്റെ കളക്ഷന്‍ റിപ്പോര്‍ട്ട് പുറത്തുവിട്ടത്. ലോക വ്യാപകമായാണ് അറുപതു കോടി ചിത്രം നേടിയത്.
രണ്ട് വര്‍ഷത്തെ കാത്തിരിപ്പിന് ഒടിവില്‍ റിലീസ് ചെയ്ത ഒടിയന് നേരെ ആദ്യ ദിവസം തന്നെ കടുത്ത ആക്രമണമാണ് നേരിടേണ്ടിവന്നത്. പ്രത്യേകിച്ച് സംവിധായകന്‍ ശ്രീകുമാര്‍ മേനോന്‍ രൂക്ഷവിമര്‍ശനത്തിന് ഇരയായി. എന്നാല്‍ ഡീഗ്രേഡിങ്ങ് രൂക്ഷമായതോടെയാണ് ചിത്രത്തിന് പിന്തുണയുമായി സിനിമ മേഖലയിലെ പ്രമുഖര്‍ അടക്കം നിരവധി പേര്‍ രംഗത്തെത്തി. ഇതോടെ ചിത്രം ബോക്‌സ്ഓഫീസില്‍ മികച്ച മുന്നേറ്റം നടത്തുകയാണ്.
ആദ്യദിനം 16.48 കോടി രൂപയാണ് ചിത്രം നേടിയത്. എന്നാല്‍ ഡീഡ്രേഡിങ് ശക്തമായതോടെ ഇനി വരുന്ന ദിവസങ്ങളില്‍ കളക്ഷന്‍ മോശമാകുമെന്ന പേടിയിലായിരുന്നു അണിയറ പ്രവര്‍ത്തകര്‍. എന്നാല്‍ ചിത്രത്തിന് കൂടുതല്‍ പോസ്റ്റീവ് റിവ്യൂ വന്നതോടെയാണ് ശക്തമായ തിരിച്ചുവരുന്നത്. സിനിമയില്‍ നിന്നുള്ളവര്‍ തന്നെയാണ് അക്രമണത്തിന് പിന്നില്‍ എന്നാണ് ശ്രീകുമാര്‍ മേനോന്‍ പറഞ്ഞത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
