ബി​ഗ് ബോസ് താരം ആരവും നടി രാഹെെയും വിവാഹിതരായി; ചിത്രങ്ങൾ

തമിഴ് ബി​ഗ് ബോസ് താരവും നടനും മോഡലുമായ ആരവും നടി രാഹെെയും വിവാഹിതരായി. ചെന്നെെയിൽ വച്ച് ഞായറാഴ്ച നടന്ന ചടങ്ങിൽ അടുത്ത ബന്ധുക്കൾ മാത്രമാണ് പങ്കെടുത്തത്. കോവിഡ് മാനദണ്ഡങ്ങൾ പാലിച്ചാണ് ചടങ്ങുകൾ നടന്നത്.

‌​ഗൗതം മേനാൻ ഒരുക്കുന്ന ജോഷ്വാ ഇമെെ പോൽ കാക്ക എന്ന ചിത്രത്തിലെ നായികയാണ് രാഹൈ. ബി​ഗ് ബോസ് ആദ്യ സീസൺ വിജയിയാണ് ആരവ്.

ഷോയ്ക്കിടെ നടി ഓവിയയുമായുള്ള ബന്ധത്തിന്റെ പേരിൽ ആരവ് വാർത്തകളിലിടം നേടിയിരുന്നു. ആരവിനെ ഷോയിലെ വിജയിയാക്കിയത് ഓവിയയുടെ പ്രണയവും വിവാദങ്ങളും നൽകിയ പ്രശസ്തിയാണെന്ന് പരിഹാസമുയർന്നപ്പോൾ എല്ലാം നിഷേധിച്ച് ആരവ് രംഗത്തെത്തുകയുമുണ്ടായി.