രാജകുമാരിയായി ​ഗായത്രി സുരേഷ്; ഫോട്ടോഷൂട്ട് ചിത്രങ്ങൾ

ലോക്ക്ഡൗണിന് പിന്നാലെ സൂപ്പർ ഫോട്ടോഷൂട്ടുമായി ആരാധകരെ അമ്പരപ്പിക്കുകയാണ് നടിമാർ. അനുശ്രീയും പ്രിയ നന്ദനും ഉൾപ്പടെ നിരവധി നടിമാരാണ് വ്യത്യസ്തമായ ഫോട്ടോഷൂട്ടുമായി എത്തിയത്. ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് നടി ​ഗായത്രി സുരേഷിന്റെ ചിത്രങ്ങളാണ്. മു​ഗൾ രാജകുമാരിയായി മേക്കോവർ നടത്തിയാണ് താരം ആരാധകരെ അമ്പരപ്പിക്കുന്നത്.

മു​ഗൾ രാജകുമാരിമാരുടെ സ്റ്റൈലിൽ മൂക്കുത്തിയും വലിയ ആഭരണങ്ങൾ അണിഞ്ഞുമാണ് ​ഗായത്രി നിൽക്കുന്നത്. കഴുത്തു നിറഞ്ഞു കിടക്കുന്ന നെക്ലൈസും വലിയ കമ്മലും നെറ്റിച്ചുട്ടിയും റിങ് മൂക്കുത്തിയും എല്ലാം താരത്തെ രാജകുമാരിയാക്കി മാറ്റുന്നുണ്ട്. പച്ച, ക്രീം കോമ്പിനേഷനിലുള്ള ലെഹങ്കയാണ് താരത്തിന്റെ വേഷം.

താരത്തിന്റെ ചിത്രങ്ങൾക്ക് മികച്ച പ്രതികരണമാണ് ലഭിക്കുന്നത്. സംവിധായകൻ ഒമർ ലുലു, നടി അഞ്ജു ഉൾപ്പടെ നിരവധി പേരാണ് താരത്തെ പ്രശംസിച്ചിരിക്കുന്നത്. ഇതു കൂടാതെ മറ്റൊരു ലുക്കിലും താരം എത്തുന്നുണ്ട്. ചുവന്ന സാരിയും വലിയ വട്ടപ്പൊട്ടും തൊട്ട് സിംപിൾ ലുക്കിലാണ് എത്തുന്നത്. ഈ ചിത്രങ്ങളിലും താരം സുന്ദരിയാണ്.