വീണാവാദകൻ ആനന്ദ് കൗശിക് അന്തരിച്ചു

തിരുവനന്തപുരം; വീണാവാദകൻ ആനന്ദ് കൗശിക് അന്തരിച്ചു. 36 വയസായിരുന്നു. ഹൃദയസംബന്ധമായ അസുഖങ്ങളെത്തുടർന്ന് ഞായറാഴ്ച പുലർച്ചെ നാലു മണിക്കായിരുന്നു അന്ത്യം. പ്രശസ്ത വീണ വിദ്വാന്‍ അനന്തപദ്മനാഭന്റെ മകനാണ് ആനന്ദ്. 

തൃശൂര്‍ സ്വദേശിയായ ആനന്ദ് തിരുവനന്തപുരത്താണ് താമസിച്ചിരുന്നത്. ടെക്‌നോപാര്‍ക്കില്‍ സോഫ്‌റ്റ്​വെയര്‍ എഞ്ചിനീയറായിരുന്നു. ആകാശവാണിയില്‍ നിന്നും വിരമിച്ച വീണാവാദകന്‍ അനന്ത പദ്മനാഭനൊപ്പവും സ്വതന്ത്രനായും നിരവധി വേദികളില്‍ പരിപാടികള്‍ അവതരിപ്പിട്ടുണ്ട് ആനന്ദ്. അച്ഛൻ അനന്ദ പദ്മനാഭമായിരുന്നു ആദ്യ ​ഗുരു.  സംസ്കാരം വൈകീട്ട് പാപ്പനംകോട്ടെ വീട്ടുവളപ്പിൽ. ഭാര്യ ദീപ. മകള്‍ ആനന്ദശ്രീ.