കൊച്ചി; താരസംഘടനയായ അമ്മയിൽ അംഗത്വമെടുക്കാൻ യുവതാരങ്ങൾ ഉൾപ്പടെയുള്ളവരുടെ തിരക്ക്. ധ്യാൻ ശ്രീനിവാസൻ കല്യാണി പ്രിയദർശൻ ഉൾപ്പടെയുള്ള 22 പേരാണ് അംഗത്വത്തിനായി അപേക്ഷിച്ചിരിക്കുന്നത്. അമ്മയിൽ അംഗത്വമുള്ളവരുമായി മാത്രമേ സിനിമയുടെ എഗ്രിമെന്റ് ഒപ്പിടുകയൊള്ളൂവെന്ന നിർമാതാക്കളുടെ സംഘടന നിലപാട് സ്വീകരിച്ചതിന് പിന്നാലെയാണ് കൂടുതൽ അപേക്ഷകൾ എത്തിയത്.
അമ്മയുടെ നിയമാവലി അനുസരിച്ച് അപേക്ഷ ലഭിച്ചാൽ എക്സിക്യൂട്ടീവിൽ എല്ലാവരുടേയും അനുമതി ലഭിച്ചാൽ മാത്രമേ അംഗത്വത്തിന് പ്രാഥമിക അനുമതി നൽകൂ. അത് പിന്നീട് ജനറൽ ബോഡിയിലും അവതരിപ്പിക്കും. 22 പേരുടെ അപേക്ഷകളിൽ 12 പേരുടെ അപേക്ഷകൾക്ക് എക്സിക്യൂട്ടീവ് അനുമതി നൽകി.
2,05,000 രൂപയാണ് അമ്മയുടെ അംഗത്വഫീസ്. കോവിഡിന് ശേഷം ആദ്യമായാണ് അമ്മ അംഗത്വം നൽകുന്നത്. നിലവിൽ 493 പേരാണ് അമ്മയിൽ അംഗങ്ങളായുള്ളത്. 3 വർഷത്തിനിടെ എട്ട് പേർ മരിച്ചു. ഷെയിൻ നിഗം, ശ്രീനാഥ് ഭാസി എന്നിവരുമായുണ്ടായ പ്രശ്നങ്ങൾക്ക് ശേഷമാണ് നിർമാതാക്കൾ നിലപാട് കടുപ്പിച്ചത്. ശ്രീനാഥ് അമ്മയിൽ അംഗത്വമെടുക്കാൻ അപേക്ഷ നൽകിയിട്ടുണ്ടെങ്കിലും അതിൽ തീരുമാനമെടുത്തിട്ടില്ല.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
