'അതൊരിക്കലും എളുപ്പമായിരുന്നില്ല, 25 വർഷമായി ഞാനിത് കേൾക്കാൻ തുടങ്ങിയിട്ട്‌'

ഐശ്വര്യ റായിയും അഭിഷേക് ബച്ചനും വേര്‍പിരിയുന്നു എന്ന അഭ്യൂഹം പ്രചരിക്കാന്‍ തുടങ്ങിയിട്ട് നാളുകളേറെയായി. ഇപ്പോഴിതാ ഐശ്വര്യയുമായി തന്നെ താരതമ്യപ്പെടുത്തുന്നതിനെക്കുറിച്ച് തുറന്നുപറയുകയാണ് അഭിഷേക് ബച്ചൻ. സിനിമയിലെത്തി 25 വർഷം കഴിഞ്ഞിട്ടും ഇപ്പോഴും അമിതാഭ് ബച്ചനെ വച്ച് തന്നെ താരതമ്യം ചെയ്യുന്നതിനേക്കുറിച്ചും അഭിഷേക് സംസാരിച്ചു.

ഇത്തരം താരതമ്യപ്പെടുത്തലുകൾ ഉൾക്കൊള്ളുകയെന്നത് ഒരിക്കലും എളുപ്പമായിരുന്നില്ലായെന്നും നടൻ വ്യക്തമാക്കി. ഒരു മാധ്യമത്തിന് നൽകിയ അഭിമുഖത്തിലായിരുന്നു നടൻ ഇക്കാര്യം പറഞ്ഞത്.

"25 വർഷമായി ഞാൻ ഇതേ ചോദ്യം കേൾക്കാൻ തുടങ്ങിയിട്ട്. ഇപ്പോൾ അതൊന്നും എന്നെ ബാധിക്കാതെയായി. നിങ്ങൾ എന്റെ അച്ഛനുമായാണ് എന്നെ താരതമ്യം ചെയ്യുന്നതെങ്കിൽ ഏറ്റവും മികച്ചതിനോടാണ് നിങ്ങളുടെ താരതമ്യം. ഈ രീതിയിൽ ഏറ്റവും മികച്ചതുമായി നിങ്ങൾ എന്നെ താരതമ്യം ചെയ്യുന്നത് ഒരു അം​ഗീകാരമായാണ് ഞാൻ നോക്കിക്കാണുന്നത്.

'വിജയത്തിന്റെ ആവേശത്തിലായിരുന്നു! സാഹചര്യത്തിന്റെ തീവ്രത മനസിലായില്ല'; സെയ്ഫ് അലി ഖാനോട് മാപ്പ് പറഞ്ഞ് നടി

എന്റെ മാതാപിതാക്കളും കുടുംബവും ഭാര്യയും എന്റേതാണ്. അവരുടെ നേട്ടങ്ങളിൽ അഭിമാനിക്കുന്ന ആളാണ് ഞാൻ."- അഭിഷേക് വ്യക്തമാക്കി.‌ "നമ്മളിവിടെ എസി റൂമിൽ സുഖമായി ഇരിക്കുന്നു. ആ 82 വയസുകാരൻ (അമിതാഭ് ബച്ചൻ) കെബിസിക്ക് വേണ്ടിയുള്ള ഷൂട്ടിലാണ്. അദ്ദേഹമാണ് എന്റെ മാതൃക, എനിക്കും അങ്ങനെയാകണം."- അഭിഷേക് കൂട്ടിച്ചേർത്തു.