'അന്ന് സിന്ധുവിനൊപ്പം തുടങ്ങിയ യാത്ര നാല് പേരെ കൂടി കൂടെക്കൂട്ടി ഇപ്പോഴും തുടരുന്നു'; വിവാഹവാർഷിക ദിനത്തിൽ കൃഷ്ണകുമാർ

വിവാഹ വാർഷിക ദിനത്തിൽ വികാരഭരിതമായ കുറിപ്പുമായി നടനും ബിജെപി ദേശീയ കൗൺസിൽ അം​ഗവുമായ കൃഷ്‌ണകുമാർ. ഭാര്യ സിന്ധുവിനെ ജീവിത പങ്കാളിയായി കിട്ടിയാതാണ് ജീവിതത്തിൽ സംഭവിച്ച ഏറ്റവും നല്ല കാര്യമെന്ന് കൃഷ്ണ കുമാർ പറയുന്നു. ജീവിതത്തിൽ എല്ലാം സംഭവിക്കുന്നതാണെന്നും ഭാര്യ സിന്ധുവിനൊപ്പം 29 വർഷങ്ങൾക്ക് മുൻപ് ഒരു ഡിസംബർ 12ന് തുടങ്ങിയ യാത്ര മറ്റു നാല് പേരെയും കൂടെ കൂട്ടി ഇപ്പോഴും തുടരുകയാണെന്നും ഭാര്യ സിന്ധുവും മക്കളായ അഹാന, ദിയ, ഇഷാനി, ഹൻസിക എന്നിവർക്കുമൊപ്പമുള്ള ചിത്രം പങ്കുവെച്ചുകൊണ്ട് അദ്ദേഹം കുറിച്ചു.

കൃഷ്‌ണ കുമാറിന്റെ കുറിപ്പ്

ജീവിതത്തിൽ എല്ലാം സംഭവിക്കുന്നതാണ്.. നല്ലതും, നല്ലതല്ലാത്തതും. പല കാര്യങ്ങളും നമ്മൾ ശ്രമിക്കാറുണ്ട്‌. ചിലതു വിചാരിച്ചപോലെ നടക്കും, ചിലത് നടക്കില്ല. നടക്കുമ്പോൾ സന്തോഷിക്കും, നടക്കാത്തപ്പോൾ ദുഖിക്കും...

കല്യാണവും ഏകദേശം അതുപോലെയൊക്കെ ആണെന്ന് ഞാൻ വിശ്വസിക്കുന്നു. ബഹുഭൂരിപക്ഷം കല്യാണങ്ങളിലും മുൻപരിചയമില്ലാത്ത ഒരു വ്യകതിയുമായി ഒരുമിച്ചു പോകുവാൻ തീരുമാനിക്കുന്നു. പിന്നീട് അവരുടെ ജീവിതത്തിൽ കുറെ കാര്യങ്ങൾ സംഭവിക്കുന്നു.. ചിലരുടെ ബന്ധം നീണ്ടു നില്കും. ചിലരുടെത്തു ഇടയ്ക്കു പിരിയുന്നു.. ചിലർ പങ്കാളി നഷ്ടപ്പെട്ടു ഒറ്റയാവുന്നു.. എല്ലാം സംഭവിക്കുന്നതാണ്..

ദൈവം എന്നു നമ്മൾ വിളിക്കുന്ന, വിശ്വസിക്കുന്ന ആ അദൃശ്യ ശക്തിയുടെ അനുഗ്രഹത്താൽ 29 വർഷം മുൻപ് ഒരു ഡിസംബർ മാസം 12 ആം തിയതി സിന്ധുവിനോടൊപ്പം തുടങ്ങിയ ആ യാത്ര മറ്റു നാലുപേരെയും കൂടെ കൂട്ടി ഇപ്പോഴും തുടരുന്നു.. ദൈവത്തിനു നന്ദി..

എല്ലാകുടുംബങ്ങളിലും നന്മയും സന്തോഷവും ഉണ്ടാവട്ടെ എന്നു പ്രാർത്ഥിക്കുന്നു.

ഈ വാർത്ത കൂടി വായിക്കൂ 

കാളിദാസന്റെയും ചക്കിയുടെയും കളർഫുൾ വിവാഹ നിശ്ചയം; ഒരുക്കിയത്  നടി അപർണ ബാലമുരളി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ