'നമ്മൾ ഒരുമിച്ചുള്ള സമയം പോലെ വേറെയില്ല', ഇത്തയ്‌ക്ക് പിറന്നാൾ ആശംസിച്ച് ദുൽഖർ 

സഹോദരി സുറുമിക്ക് പിറന്നാൾ ആശംസകൾ നേർന്ന് നടൻ ദുൽഖർ സൽമാൻ. ഏറ്റവും ലളിതമായ കാര്യങ്ങളായിരിക്കും ജീവിതത്തിലെ ഏറ്റവും മികച്ച കാര്യങ്ങൾ. നമ്മൾ ഒരുമിച്ച് ചെലവഴിച്ച സമയം പോലെ ലളിതമായത് വേറെയില്ല.

ഇത്തവണ എങ്കിലും ഒരുമിച്ച് കുറച്ച് സമയം ചെലവഴിക്കാനും യാത്രകൾ പോകാനും സാധിക്കട്ടെയെന്നാണ് ദുൽഖറിന്റെ ആശംസ. സുറുമിക്കൊപ്പമുള്ള ചിത്രവും ദുൽഖർ പിറന്നാൾ ആശംസകൾക്കൊപ്പം പങ്കുവെച്ചിട്ടുണ്ട്. 

'എന്റെ പ്രിയപ്പെട്ട ഇത്തയ്‌ക്ക് പിറന്നാൾ ആശംസകൾ. ലളിതമായ കാര്യങ്ങളാണ് ജീവിതത്തിൽ ഏറ്റവും മികച്ചത്. നമ്മൾ ഒരുമിച്ച് ചെലവഴിച്ച നിമിഷങ്ങൾ പോലെ ലളിതമായത് വേറെയില്ല. വ്യത്യസ്തമായ ഇടങ്ങളിൽ ജോലി ചെയ്യേണ്ടി വരുന്നത് കുറച്ച് ബുദ്ധിമുട്ടുള്ള കാര്യമാണ്. ഈ വരുന്ന വർഷമെങ്കിലും നമ്മൾക്ക് ഒരുമിച്ച് സമയം ചെലവഴിക്കാനും ഒരുപാട് യാത്രകൾ പോകാനും കഴിയട്ടെയെന്ന് ആ​ഗ്രഹിക്കുന്നു. അതിൽ കൂടുതൽ സന്തോഷം വെറെ ഉണ്ടാകാനില്ല'- എന്നായിരുന്നു ദുൽഖറിന്റെ വാക്കുകൾ.

ചെന്നൈ സ്റ്റെല്ലാ മേരീസിൽ നിന്നും ഫൈൻ ആർട്സിൽ ബിരുദം നേടിയ സുറുമി ലണ്ടൻ ചെൽസി കോളജ് ഓഫ് ആർട്സിൽ നിന്നും ബിരുദാനന്തരബിരുദം നേടി. ഡോ. റെയ്ഹാൻ സയ്യദ് ആണ് ഭർത്താവ്.

ഈ വാർത്ത കൂടി വായിക്കൂ 

'ഓസ്‌കറില്‍ നാട്ടു നാട്ടു കളിക്കാന്‍ കാത്തിരിക്കുകയായിരുന്നു, പക്ഷേ അവര്‍ വിളിച്ചില്ല'; രാം ചരണ്‍

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ