'അണ്ണാ, മറ്റാരേക്കാളും നന്നായി നിങ്ങൾക്കിത് മനസിലാകും'; പൈറസിയെക്കുറിച്ച് വിജയ്‌യോട് അന്ന് പറഞ്ഞത് ഓർത്തെടുത്ത് കാർത്തി

തന്റെ പുതിയ ചിത്രമായ 'സർദാർ 2' വിന്റെ പ്രൊമോഷൻ തിരക്കിലാണ് നടൻ കാർത്തി. പൈറസിയെക്കുറിച്ച് കാർത്തി പറഞ്ഞ വാക്കുകളാണിപ്പോൾ സോഷ്യൽ മീഡിയയിൽ വൈറലാകുന്നത്. ചിത്രത്തിന്റെ പ്രൊമോഷന്റെ ഭാ​ഗമായി മാധ്യമങ്ങളോട് സംസാരിക്കുകയായിരുന്നു താരം. പൈറസി കുറിച്ച് മുഖ്യമന്ത്രി സി ജോസഫ് വിജയുമായി താൻ ചർച്ച നടത്തിയിരുന്നുവെന്നും അദ്ദേഹം പറഞ്ഞു.

"അതെ, വിജയ് സാർ, നമ്മുടെ മുഖ്യമന്ത്രിക്ക് ഈ വിഷയം നന്നായി മനസ്സിലാകും. അദ്ദേഹം ഇതിനെതിരെ ശക്തമായ നടപടി സ്വീകരിക്കുമെന്ന് ഞാൻ പ്രതീക്ഷിക്കുന്നു.- കാർത്തി പറഞ്ഞു. മുഖ്യമന്ത്രിയെ കണ്ടപ്പോൾ ഞാൻ അദ്ദേഹത്തോട് പറഞ്ഞു, അണ്ണാ, മറ്റാരേക്കാളും നന്നായി നിങ്ങൾക്കിത് മനസിലാകും. നിങ്ങളുടേതായ രീതിയിൽ നിങ്ങളിത് പരി​ഗണിക്കണമെന്ന്".- കാർത്തി കൂട്ടിച്ചേർത്തു.

ഭാവിയിൽ രാഷ്ട്രീയത്തിലിറങ്ങുമോ എന്ന ചോദ്യത്തിനും കാർത്തി മറുപടി നൽകി. ചിരിച്ചു കൊണ്ടായിരുന്നു നടന്റെ മറുപടി. എനിക്ക് രാഷ്ട്രീയത്തിൽ പ്രവേശിക്കാൻ ഉദ്ദേശ്യമില്ല, നല്ല സിനിമകൾ നൽകുക എന്നതാണ് തന്റെ ഏക ലക്ഷ്യമെന്ന് അദ്ദേഹം വ്യക്തമാക്കി. 2022 ൽ പുറത്തിറങ്ങിയ സർദാറിന്റെ രണ്ടാം ഭാ​ഗമാണ് 'സർദാർ 2'. കാർത്തി ഡബിൾ റോളിലെത്തിയ ചിത്രം തിയറ്ററുകളിൽ മികച്ച കളക്ഷൻ നേടിയിരുന്നു.