സെറ്റു സാരിയിൽ സുന്ദ‌രിയായി കുഞ്ഞാറ്റ, മനോജ് കെ ജയന്റെ ഓണച്ചിത്രം വൈറൽ

മലയാളികളുടെ ഇഷ്ടതാരമാണ് മനോജ് കെ ജയൻ. ഇപ്പോൾ സോഷ്യൽ മീഡിയയിൽ വൈറലാവുന്നത് താരത്തിന്റെ ഓണാഘോഷ ചിത്രങ്ങളാണ്. കുടുംബത്തിനൊപ്പമായിരുന്നു താരത്തിന്റെ ആഘോഷം. മനോജ് കെ ജയന്റേയും നടി ഉർവശിയുടെയും മകൾ തേജാ ലക്ഷ്മിയെന്ന കുഞ്ഞാറ്റയുടെ സാന്നിധ്യമാണ് ആരാധകരുടെ മനം കവർന്നത്. 

സെറ്റു സാരിയുടുത്ത് സുന്ദരിയായാണ് കുഞ്ഞാറ്റയെ ചിത്രത്തിൽ കാണുന്നത്. ഏറെ നാളുകൾക്കുശേഷം കുഞ്ഞാറ്റയെ കാണാൻ കഴിഞ്ഞതിന്റെ സന്തോഷത്തിലാണ് ആരാധകർ. എത്രവേഗമാണ് കുഞ്ഞാറ്റ വലിയ കുട്ടി ആയതെന്നാണ് ആരാധകരുടെ കമന്റുകൾ. കുഞ്ഞാറ്റയ്ക്കൊപ്പം മനോജ് കെ ജയന്റെ ഭാര്യ ആശയേയും മകനേയും ചിത്രങ്ങളിൽ കാണാം.