ഈ വർഷം വിവാഹിതനാകുമെന്ന് നടൻ പ്രേംജി അമരൻ; 22 കാരിയായ ​ഗായികയുമായി പ്രണയത്തിലെന്ന് റിപ്പോർട്ടുകൾ

കോമഡി കഥാപാത്രങ്ങളിലൂടെ ശ്രദ്ധേയനായ നടനാണ് പ്രേംജി അമരൻ. എന്നാൽ നടൻ എന്ന നിലയിൽ മാത്രമല്ല, ​ഗായകൻ, സം​ഗീത സംവിധായകൻ എന്നീ നിലകളിലും പ്രേംജി ശ്രദ്ധേയനാണ്. 44ാം വയസിലും അവിവാഹിതനായി തുടരുകയാണ് താരം. പുതുവർഷത്തിൽ സന്തോഷവാർത്തയുമായാണ് പ്രേംജി എത്തിയത്. തന്റെ വിവാഹം ഈ വർഷം ഉണ്ടാകുമെന്നാണ് പ്രേംജി ആരാധകരെ അറിയിച്ചത്. 

പുതുവത്സരാശംസകൾ. ഈ വർഷം എന്റെ വിവാഹമുണ്ടാകും.- എന്നാണ് പ്രേംജി എക്സിൽ കുറിച്ചത്. വിവാഹം കഴിക്കുന്നത് ആരെയായിരിക്കും എന്ന കാര്യം താരം വ്യക്തമാക്കിയിട്ടില്ല. എന്നാൽ ​ഗായിക വിനൈത ശിവകുമാറുമായി താരം പ്രണയത്തിലാണ് എന്നാണ് ഇപ്പോൾ പുറത്തുവരുന്ന വാർത്തകൾ. 22 കാരിയാണ് വിനൈത. 

2022ലെ വാലന്റൈൻസ് ദിനത്തിൽ വിനൈത തന്നെയാണ് പ്രണയത്തെക്കുറിച്ച് വെളിപ്പെടുത്തിയത്. പ്രൈംജിക്കൊപ്പമുള്ള ചിത്രത്തിനൊപ്പമായിരുന്നു കുറിപ്പ്. കൂടാതെ പ്രേംജിയുടെ പിറന്നാൾ ദിനത്തിൽ ​ഗായിക ഒന്നിച്ചുള്ള ചിത്രങ്ങൾ പോസ്റ്റ് ചെയ്യാറുണ്ട്. വിവാഹം ഔദ്യോ​ഗികമായി പ്രഖ്യാപിക്കുന്നതിനായി കാത്തിരിക്കുകയാണ് ആരാധകർ. 

തമിഴിലെ നിരവധി സൂപ്പർഹിറ്റ് സിനിമകളിലും വേഷമിട്ടിട്ടുള്ള നടനാണ് പ്രേംജി. വിജയ്‍  നായകനായി എത്തുന്ന ​ഗ്രേറ്റസ്റ്റ് ഓഫ് ദി ഓൾ ടൈമാണ് പ്രേംജിയുടെ പുതിയ ചിത്രം. സുപ്രധാന വേഷത്തിൽ താരം എത്തുമെന്നാണ് വിവരം. തമിഴിൽ അറിയപ്പെടുന്ന ​ഗായികയാണ് വിനൈത. തമിഴിൽ മാത്രമല്ല ഹിന്ദിയിലും ​ഗാനം ആലപിച്ചിട്ടുണ്ട്. 

ഈ വാര്‍ത്ത കൂടി വായിക്കൂ 

'വില്ലന്മാർക്ക് നല്ല ഇടി കൊടുക്കണം'; മമ്മൂട്ടിയെ കണ്ട് തുള്ളിച്ചാടി ആരാധിക, ചേർത്തുപിടിച്ച് ഫോട്ടോ എടുത്ത് താരം: വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ