തിയറ്ററുകളിൽ മികച്ച അഭിപ്രായം നേടുകയാണ് ഗണേശ് രാജ് സംവിധാനം ചെയ്ത ‘പൂക്കാലം’ എന്ന ചിത്രം. നൂറ് വയസ്സ് പ്രായമുള്ള ഒരു ഇടത്തരം കുടുംബത്തിലെ ദമ്പതിമാരുടെ കഥയാണ് ചിത്രത്തിന്റെ പ്രമേയം. വിജയരാഘവനും കെപിഎസി ലീലയുമാണ് ചിത്രത്തിലെ കേന്ദ്ര കഥാപാത്രങ്ങളായ ഇട്ടൂപ്പായിയും കൊച്ചുത്രേസ്യാമ്മയും ആയി വേഷമിടുന്നത്. സിനിമയുടെ ട്രെയിലർ പുറത്തുവന്നപ്പോൾ തന്നെ വിജയരാഘവന്റെ ലുക്ക് ശ്രദ്ധനേടിയിരുന്നു. ഇപ്പോഴിതാ വിജയരാഘവനെ നൂറ് വയസ്സുകാരനാക്കുന്ന മേക്കപ്പ് വിഡിയോയാണ് സമൂഹമാധ്യമങ്ങളിൽ വൈറലാകുന്നത്.
71കാരനായ വിജയരാഘവനെ 100 വയസ് തോന്നിപ്പിക്കുന്ന മേക്കപ്പാണ് വിഡിയോയിൽ കാണിച്ചിരിക്കുന്നത്. സിനിമയുടെ ഷൂട്ടിങ് ദിവസങ്ങളിലെല്ലാം നാലര മണിക്കൂറോളമാണ് മേക്കപ്പിനായി വേണ്ടിവന്നിരുന്നതെന്ന് അണിയറപ്രവർത്തകർ പറയുന്നു.
വിനീത് ശ്രീനിവാസൻ, ബേസിൽ ജോസഫ്, റോഷൻ മാത്യു, ജോണി ആൻറണി, അന്നു ആന്റണി, അരുൺ കുര്യൻ, അരിസ്റ്റോ സുരേഷ്, രാധ ഗോമതി, ഗംഗ മീര, ശരത് സഭ, അരുൺ അജിത് കുമാർ, കാവ്യ ദാസ്, നവ്യ ദാസ് തുടങ്ങിയവരാണ് സിനിമയിലെ മറ്റ് താരങ്ങൾ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
