'ഞാനൊരു ചേച്ചിയമ്മയായി'; സന്തോഷവാർത്തയുമായി നടി ആര്യ പാർവതി

അമ്മ ​ഗർഭിണിയാണെന്ന വിവരം പങ്കുവച്ചുകൊണ്ടുള്ള നടിയും നർത്തകിയുമായ ആര്യ പാർവതിയുടെ പോസ്റ്റ് സോഷ്യൽ മീഡിയയിൽ വൈറലായിരുന്നു. ഇപ്പോൾ സന്തോഷവാർത്തയുമായി എത്തിയിരിക്കുകയാണ് താരം. അനിയത്തി ജനിച്ച വിവരമാണ് താരം ആരാധകരെ അറിയിച്ചത്. 

'പെൺകുട്ടിയാണ്, ഞാനൊരു ചേച്ചിയമ്മ ആയിരിക്കുന്നു. അമ്മയും കുഞ്ഞും സുരക്ഷിതമായിരിക്കുന്നു.'- എന്നാണ് ആര്യ ഇൻസ്റ്റ​ഗ്രാമിൽ കുറിച്ചത്. നിരവധി പേരാണ് പോസ്റ്റിനു താഴെ ആശംസകളുമായി എത്തിയിരിക്കുന്നത്. 

കഴിഞ്ഞ ദിവസമാണ് അമ്മ ​ഗർഭിണിയാണെന്ന വിവരം ആര്യ ഇൻസ്റ്റ​ഗ്രാമിൽ കുറിച്ചത്. അമ്മയുടെ നിറവയറിൽ തലചേർത്തു വച്ചുകൊണ്ടുള്ള ചിത്രം പങ്കുവച്ചുകൊണ്ടായിരുന്നു പോസ്റ്റ്. '23 വര്‍ഷത്തിന് ശേഷം എനിക്കൊരു സഹോദരിയോ സഹോദരനോ വരുന്നതിന്റെ സന്തോഷത്തിലാണ് ഞാന്‍. ഒരു അമ്മയുടേയും വല്ല്യേച്ചിയുടേയും റോള്‍ ഏറ്റെടുക്കാന്‍ തയ്യാറായിക്കഴിഞ്ഞു. വേഗം വരൂ, എന്റെ കുഞ്ഞുവാവേ...' - എന്നാണ് ആര്യ കുറിച്ചത്. 
 

ഈ വാര്‍ത്ത കൂടി വായിക്കൂ 

മുന്നണി പ്രവേശനം ഉടന്‍?; തമിഴ്‌നാട്ടില്‍ കോണ്‍ഗ്രസ് തെരഞ്ഞെടുപ്പ് പ്രചാരണത്തിന് കമല്‍ഹാസന്‍

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ