നടി ഋതുപർണ സെൻഗുപ്തയ്ക്ക് കോവിഡ് 

കൊൽക്കത്ത: ബംഗാളി നടി ഋതുപർണ സെൻഗുപ്തയ്ക്ക് കോവിഡ് സ്ഥിരീകരിച്ചു. നടി തന്നെയാണ് ഇക്കാര്യം സോഷ്യൽ മീഡിയയിലൂടെ പങ്കുവച്ചത്. 

"എനിക്ക് കോവിഡ് സ്ഥിരീകരിച്ചെങ്കിലും ഞാൻ സുഖമായിരിക്കുന്നു എന്ന് നിങ്ങളെ അറിയിക്കാൻ ആ​ഗ്രഹിക്കുന്നു. എനിക്ക് രോ​ഗലക്ഷണങ്ങളൊന്നുമില്ല. ഡോക്ടർമാരും അധിക‍ൃതരും പറയുന്ന മുൻകരുതലുകളെല്ലാം പാലിക്കുന്നുണ്ട്", ഋതുപർണ ട്വീറ്റ് ചെയ്തു. 

ഇപ്പോൾ സിംഗപ്പൂരിലാണെന്നും റിക്കവറി സെന്ററിൽ ക്വാറന്റീനിൽ കഴിയുകയാണെന്നും നടി പറഞ്ഞു. 1997ൽ ദേശീയ അവാർഡ് നോടിയ നടിയാണ് ഋതുപർണ സെൻഗുപ്ത.