ഷംന കാസിമിന് കുഞ്ഞ് പിറന്നു 

നടി ഷംന കാസിമിന് കുഞ്ഞ് പിറന്നു. കഴിഞ്ഞ ദിവസം ദുബായിലെ ആശുപത്രിയിൽ പ്രവേശിപ്പിച്ച ഷംന ഇന്ന് രാവിലെ ഒൻപത് മണിയോടെ ആൺകുഞ്ഞിന് ജന്മം നൽകുകയായിരുന്നു. 

കഴിഞ്ഞ വർഷം ഡിസംബറിലാണ് അമ്മയാകാൻ പോകുന്നു എന്ന സന്തോഷം ഷംന ആരാധകരുമായി പങ്കുവച്ചത്. യൂട്യൂബ് ചാനലിൽ പങ്കുവച്ച വിഡിയോയിലൂടെയായിരുന്നു വെളിപ്പെടുത്തൽ. 2022 ഒക്ടോബറിലായിരുന്നു ഷംനയുടെ വിവാഹം. ജെബിഎസ് ഗ്രൂപ്പ് കമ്പനിയുടെ ഫൗണ്ടറും സിഇഒയുമായ ഷാനിദ് ആസിഫ് അലിയാണ് ഭർത്താവ്. 

കണ്ണൂർ സ്വദേശിയായ ഷംന നൃത്ത റിയാലിറ്റി ഷോയിലൂടെയാണ് ശ്രദ്ധ നേടിയത്. മഞ്ഞു പോലൊരു പെൺകുട്ടി എന്ന ചിത്രത്തിലൂടെ അഭിനയത്തിൽ അരങ്ങേറ്റം കുറിച്ചു. പിന്നാലെ അന്യഭാഷകളിലും സജീവമായി. നാനി നായകനായ ‘ദസറ’യിലാണ് ഷംന ഏറ്റവുമൊടുവിൽ അഭിനയിച്ചത്. 

ഈ വാര്‍ത്ത കൂടി വായിക്കൂ 

സ്ഫോടന രം​ഗം ചിത്രീകരിക്കാൻ മുടക്കിയത് 8 കോടി; 'വിടുതലൈ' മേക്കിങ് വിഡിയോ പുറത്ത്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ