മിതാലി രാജായി തപ്സി പന്നു; 'സബാഷ് മിതു' റിലീസ് പ്രഖ്യാപിച്ചു 

ഇന്ത്യൻ വനിതാ ക്രിക്കറ്റ് ടീം ക്യാപ്റ്റൻ മിതാലി രാജിന്റെ ജീവിതം പ്രമേയമാക്കി ഒരുങ്ങുന്ന 'സബാഷ് മിതു' എന്ന ചിത്രത്തിന്റെ റിലീസ് പ്രഖ്യാപിച്ചു. തപ്സി പന്നു നായികയാകുന്ന ചിത്രം ജൂലൈ 15ന് തിയറ്ററുകളില്‍ എത്തും. ഫെബ്രുവരിയില്‍ ചിത്രം പ്രദര്‍ശനത്തിന് എത്തുമെന്ന് പറഞ്ഞരുന്നെങ്കിലും കോവിഡിനെത്തുടർന്നാണ് റിലീസ് നീട്ടിയത്. 

തപ്‌സിയാണ് ചിത്രത്തിൽ മിതാലിയുടെ വേഷത്തില്‍ എത്തുന്നത്. ശ്രീജിത്ത് മുഖര്‍ജിയാണ് ചിത്രം സംവിധാനം ചെയ്യുന്നത്. "ഒരു സ്വപ്നവും അത് സാക്ഷാത്കരിക്കാനുള്ള പദ്ധതിയുമുള്ള ഒരു പെൺകുട്ടിയെക്കാൾ ശക്തമായ മറ്റൊന്നില്ല! ഈ "ജെന്റിൽമാൻ ഗെയിമിൽ" ബാറ്റുമായി തന്റെ സ്വപ്നത്തെ പിന്തുടരുന്ന അത്തരത്തിലുള്ള ഒരു പെൺകുട്ടിയുടെ കഥയാണിത്. #ShabaashMithu 2022 ജൂലൈ 15-ന് തിയേറ്ററുകളിലെത്തും", തപ്സി കുറിച്ചു. 

നിലവില്‍ ഇന്ത്യൻ ടീമിന്റെ ഏകദിന ടെസ്റ്റ് ടീമുകളുടെ ക്യാപ്റ്റനാണ് മിതാലി രാജ്. ഏഴായിരം റണ്‍സ് മറികടന്ന അന്താരാഷ്‍ട്ര ക്രിക്കറ്റിലെ ഒരേയൊരു വനിതാ ക്രിക്കറ്റ് താരവും മിതാലിയാണ്. 

ഈ വാര്‍ത്ത കൂടി വായിക്കാം

മുതൽമുടക്ക് 100 കോടി, 15 ദിവസത്തിൽ 1000 കോടി കടന്ന് കെജിഎഫ് 2, അമ്പരപ്പിച്ച് മുന്നേറ്റം

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ