വന്‍ പ്രതീക്ഷയോടെ തീയറ്ററില്‍ എത്തിയ ചിത്രമാണ് ആലിയ ഭട്ടിന്റെ ജിഗ്ര. എന്നാല്‍ ചിത്രത്തിന് ബോക്‌സ് ഓഫിസില്‍ പ്രതീക്ഷിച്ച വിജയം നേടാനായില്ല. ചിത്രത്തെ വിമര്‍ശിച്ചുകൊണ്ട് നിരവധി പേര്‍ രംഗത്തെത്തി. കൂടാതെ ജിഗ്രയുമായി ബന്ധപ്പെട്ട് വിവാദങ്ങളും ഉയര്‍ന്നു. പിന്നാലെ ചിത്രത്തിന്റെ സംവിധായകനായ വസന്‍ ബാല തന്റെ ട്വിറ്റര്‍ അക്കൗണ്ട് ഡിലീറ്റ് ചെയ്തു.
കഴിഞ്ഞ ദിവസം വരെ എക്‌സില്‍ ആക്റ്റീവായിരുന്നു വസന്‍ ബാല. ചിത്രത്തിനെതിരെ ഉയര്‍ന്ന വിമര്‍ശനങ്ങള്‍ക്കെല്ലാം സംവിധായകന്‍ മറുപടിയുമായി എത്തിയത് പ്രേക്ഷകരെ ചൊടിപ്പിച്ചിരുന്നു. പ്രേക്ഷകരുടെ അഭിപ്രായം മാനിക്കാത്ത സംവിധായകനാണ് വസന്‍ ബാല എന്ന തരത്തില്‍ രൂക്ഷ വിമര്‍ശനങ്ങളും ഉയര്‍ന്നു. പിന്നാലെയാണ് അദ്ദേഹം എക്‌സ് ഡിയാക്റ്റിവേറ്റ് ചെയ്തത്.
ആലിയ ഭട്ട് പ്രധാന വേഷത്തിലെത്തിയ ആക്ഷന്‍ ത്രില്ലറാണ് ജിഗ്ര. ചിത്രത്തിന്റെ റിലീസിനു മുന്‍പു തന്നെ വിവാദങ്ങള്‍ക്ക് തുടക്കമിട്ടിരുന്നു. നിര്‍മാതാവ് കരണ്‍ ജോഹറിനെതിരായ വസന്റെ പ്രതികരണമാണ് വിവാദമായത്. ചിത്രത്തിന്റെ അപൂര്‍ണമായ സ്‌ക്രിപ്റ്റ് ആലിയയ്ക്ക് ഇമെയില്‍ ചെയ്തത് തനിക്ക് ഇഷ്ടപ്പെട്ടില്ല എന്നാണ് വസന്‍ പറഞ്ഞത്. ഇതിനെതിരെ കരണ്‍ ജോഹര്‍ രംഗത്തെത്തിയിരുന്നു. കൂടാതെ ചിത്രം കോപ്പിയടിയാണ് എന്ന ആരോപണവുമായി ദിവ്യ ഖോസ്ല രംഗത്തെത്തി. ചിത്രത്തിന്റെ കാസ്റ്റിങ് ടീമിനെതിരെ മണിപ്പൂര്‍ സ്വദേശിയായ നടന്‍ രംഗത്തെത്തിയതും വലിയ ചര്‍ച്ചയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
