പുറത്ത് കറങ്ങി നടന്നു; ടൈ​ഗർ ഷ്റോഫിനും ദിഷ പഠാണിക്കുമെതിരെ കേസ്

മുംബൈ: കോവിഡ് മാനദണ്ഡങ്ങൾ ലംഘിച്ച് പുറത്ത് കറങ്ങാൻ പോയ സംഭവത്തിൽ നടൻ ടൈ​ഗർ ഷ്റോഫിനും ദിഷ പഠാണിക്കുമെതിരെ കേസ്. മുംബൈ പൊലീസാണ് ഇരുവർക്കുമെതിരെ കേസ് എടുത്തത്. 

ബാന്ദ്ര ബസ് സ്റ്റാൻഡിന് സമീപം വൈകീട്ട് കറങ്ങി നടന്നതിനാണ് കേസ്. കോവിഡ് സാഹചര്യത്തിൽ ഉച്ച തിരിഞ്ഞ് ഇവിടെ സഞ്ചരിക്കുന്നതിൽ  നിയന്ത്രണം ഏർപ്പെടുത്തിയിട്ടുണ്ട്. ഇരുവരും അത് ലംഘിച്ചുവെന്നാണ് പൊലീസ് പറയുന്നത്. 

മുംബൈ പൊലീസിന്റെ ഔദ്യോഗിക ട്വിറ്റർ പേജിൽ താരങ്ങളുടെ പേര് പരാമർശിക്കാതെ വിമർശനം ഉന്നയിച്ചിട്ടുണ്ട്.