പ്രണയിച്ച് അനു സിത്താരയും അമിത് ചക്കാലക്കലും; സന്തോഷം ​ഗാനം പുറത്ത്

അനു സിത്താരയും അമിത് ചക്കാലക്കലും പ്രധാന വേഷത്തിൽ എത്തുന്ന 'സന്തോഷം' സിനിമയിലെ ​ഗാനം പുറത്ത്. അജിത് വി തോമസ് സംവിധാനം ചെയ്യുന്ന ചിത്രത്തിലെ പ്രണയ​ഗാനമാണ് പുറത്തുവന്നത്. 'ജനുവരിയിലെ തേൻമഴ' എന്ന വരികളോടെ ആരംഭിക്കുന്ന ഗാനം കെ.എസ് ഹരിശങ്കർ, നിത്യ മാമേൻ എന്നിവർ ചേർന്നാണ് ആലപിച്ചിരിക്കുന്നത്. 

അനു സിത്താരയുടേയും അമിത് ചക്കാലക്കലിന്റേയും പ്രണയമാണ് ​ഗാനത്തിൽ നിറഞ്ഞു നിൽക്കുന്നത്. വിനായക് ശശികുമാറിന്റെതാണ് വരികൾ. പി.എസ്. ജയ്ഹരിയാണ് ഗാനത്തിന് സംഗീതം പകർന്നിരിക്കുന്നത്. യൂട്യൂബിൽ ട്രെൻഡിങ് ലിസ്റ്റിൽ ഇടംനേടിയിരിക്കുകയാണ് ഗാനം. മ്യൂസിക്കിൽ എട്ടാം സ്ഥാനത്താണ്. നേരത്തെ ചിത്രത്തിലെ മറ്റൊരു ​ഗാനം പുറത്തുവന്നിരുന്നു.

അര്‍ജുൻ സത്യനാണ് ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത്. കലാഭവൻ ഷാജോൺ, മല്ലിക സുകുമാരൻ, ബേബി ലക്ഷ്‍മി, ആശാ അരവിന്ദ് എന്നിവരാണ് മറ്റ് പ്രധാന താരങ്ങൾ. 'മീസ്- എൻ- സീൻ എന്റർടെയ്‍ൻമെന്റ്'ന്റെ ബാനറിൽ ഇഷ പട്ടാലി, അജിത് വി തോമസ് എന്നിവർ ചേർന്ന് നിർമ്മിക്കുന്നത്. ഛായാഗ്രഹണം എ.കാർത്തിക്കും ചിത്രസംയോജനം ജോൺകുട്ടിയുമാണ് നിർവഹിച്ചിരിക്കുന്നു. 

കലാസംവിധാനം: രാജീവ് കോവിലകം, മേയ്ക്കപ്പ്: പ്രദീപ് ഗോപാലകൃഷ്ണനൻ, വസ്ത്രാലങ്കാരം: അസാനിയ നസ്രിൻ, സ്റ്റിൽസ്: സന്തോഷ് പട്ടാമ്പി, ഡിസൈൻ: മാ മി ജോ, അസോസിയേറ്റ് ഡയറക്ടർ: റെനിറ്റ് രാജ്, ചീഫ് അസോസിയേറ്റ് ഡയറക്ടർ: അഭിലാഷ് എം.യു, പ്രൊഡക്ഷൻ കൺട്രോളർ: ഇക്ബാൽ പാനായിക്കുളം, പ്രൊഡക്ഷൻ എക്‌സിക്യൂട്ടീവ്: സിൻജോ ഒറ്റത്തയ്ക്കൽ, എക്സിക്യൂട്ടീവ് പ്രൊഡ്യുസർ: ജോസഫ് സേവ്യർ, ലൈൻ പ്രൊഡ്യൂസർ: ജോമറ്റ് മണി യെസ്റ്റ, പിങ്കു ഐപ്പ്, പിആർ &  മാർക്കറ്റിംങ്: വൈശാഖ് സി വടക്കേവീട്.

ഈ വാര്‍ത്ത കൂടി വായിക്കൂ 

അജിത്തിനൊപ്പമുള്ള ബൈക്ക് റൈഡ് ആവേശമായി; ടൂവീലർ ലൈസൻസ് എടുത്ത് മഞ്ജു വാര്യർ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ