ടിജെ ജ്ഞാനവേൽ ചിത്രം വേട്ടയ്യൻ തിയറ്ററുകളിൽ പ്രദർശനം തുടരുകയാണ്. ചിത്രത്തിൽ രജനികാന്തിനൊപ്പം തിളങ്ങി നിന്ന കഥാപാത്രമായിരുന്നു ഫഹദിന്റെയും. ബാറ്ററി എന്ന വിളിപ്പേരുള്ള പാട്രിക് എന്ന കഥാപാത്രമായാണ് ചിത്രത്തിൽ ഫഹദെത്തിയത്. അതിയൻ എന്ന പൊലീസ് ഓഫീസറായി രജനികാന്തും അമ്പരപ്പിച്ചു. രജനികാന്ത് - ഫഹദ് കോമ്പിനേഷൻ രംഗങ്ങളെല്ലാം പ്രേക്ഷക മനം കവർന്നിരുന്നു.
ഇപ്പോഴിതാ വേട്ടയ്യനില് നിന്ന് ഒഴിവാക്കിയ ഒരു രംഗം പുറത്തുവിട്ടിരിക്കുകയാണ് അണിയറപ്രവർത്തകർ. 'സാർ നീങ്ക കേട്ട ഡീറ്റെയ്ൽസ്'- എന്ന ഫഹദിന്റെ ഡയലോഗോടെയാണ് വിഡിയോ തുടങ്ങുന്നത്. അതിയൻ- ബാറ്ററി കെമിസ്ട്രി ക്യൂട്ടായിട്ടുണ്ടെന്നാണ് വിഡിയോയ്ക്ക് കമന്റായി ആരാധകർ കുറിച്ചിരിക്കുന്നത്. മഞ്ജു വാര്യരാണ് ചിത്രത്തിൽ നായികയായെത്തിയത്.
അമിതാഭ് ബച്ചൻ, റാണ ദഗുബതി, റിതിക സിങ്, ദുഷാര വിജയൻ, രോഹിണി തുടങ്ങി നിരവധി താരങ്ങളും ചിത്രത്തിൽ അണിനിരന്നു. അനിരുദ്ധ് രവിചന്ദറാണ് ചിത്രത്തിന് സംഗീത സംവിധാനമൊരുക്കിയിരിക്കുന്നത്. എസ് കതിർ ആണ് ഛായാഗ്രഹണം നിർവഹിച്ചിരിക്കുന്നത്. തമിഴ്, തെലുങ്ക്, ഹിന്ദി, കന്നഡ ഭാഷകളിലാണ് ചിത്രം പുറത്തിറങ്ങിയത്. 33 വർഷങ്ങൾക്ക് ശേഷം അമിതാഭ് ബച്ചനും രജനികാന്തും ഒന്നിച്ച ചിത്രം കൂടിയായിരുന്നു ഇത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
