ആരാധകര് കാത്തിരിക്കുന്ന രജനികാന്ത് ചിത്രമാണ് തൈലവര് 173. കമല്ഹാസനും രജനികാന്തും ഒരുമിക്കുന്ന സിനിമയുടെ സംവിധാനം സിബി ചക്രവര്ത്തിയാണ്. കമല് നിര്മിക്കുന്ന ചിത്രത്തില് രജനികാന്താണ് നായകന്. തലൈവര് 173 ല് ഒരു മലയാള നടനുമുണ്ടെന്നാണ് പുതിയ റിപ്പോര്ട്ടുകള്.
പുറത്തുവരുന്ന റിപ്പോര്ട്ടുകള് പ്രകാരം തലെെവർ 173 ലേക്ക് എത്തുക മലയാളത്തിന്റെ പ്രിയ നടന് ബേസില് ജോസഫ് ആയിരിക്കും.ചിത്രത്തിന്റെ നിര്മാതാക്കള് ബേസിലിനെ സമീപിച്ചതായാണ് വിവരം. ഉടനെ തന്നെ നിര്മാണം ആരംഭിക്കാനിരിക്കുന്ന സിനിമയില് ബേസില് എത്തുക രജനികാന്തിന്റെ മകനായിട്ടാകും എന്നും റിപ്പോര്ട്ടുകളുണ്ട്.
ചിത്രത്തില് പ്രിയങ്ക അരുണ് മോഹനും പ്രധാന വേഷത്തിലെത്തുന്നുണ്ടെന്നാണ് റിപ്പോര്ട്ടുകള്. 2027 പൊങ്കലിനാണ് സിനിമയുടെ റിലീസ് തീരുമാനിച്ചിരിക്കുന്നത്. മുഴുനീള എന്റര്ടെയ്നര് ആയിരിക്കും ചിത്രമെന്ന് നേരത്തെ രജനികാന്ത് അറിയിച്ചിരുന്നു.
അതേസമയം ജെയിലര് ടുവലാണ് രജനികാന്തിന്റെ റിലീസ് കാത്തു നില്ക്കുന്ന ചിത്രം. മോഹന്ലാല് അടക്കം ആദ്യ ഭാഗത്തിലുണ്ടായിരുന്ന വലിയ താരങ്ങളെല്ലാം രണ്ടാം ഭാഗത്തിലുമുണ്ടാകും. ഇവര്ക്കു പുറമെ വിദ്യ ബാലന്, എസ്ജെ സൂര്യ, മിഥുന് ചക്രവര്ത്തി തുടങ്ങിയവരും ചിത്രത്തില് അഭിനയിക്കുന്നുണ്ട്. സാക്ഷാല് ഷാരൂഖ് ഖാനും അതിഥി വേഷത്തിലെത്തുന്നതായി റിപ്പോര്ട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
