സന്തോഷ് വിശ്വനാഥ് ഒരുക്കിയ മമ്മൂട്ടി ചിത്രം വണ്ണിന്റെ റീമേക്ക് അവകാശം സ്വന്തമാക്കി ബോണി കപൂർ. ഹിന്ദി, തമിഴ്, തെലുങ്ക് ഉൾപ്പടെയുള്ള ഭാഷകളിൽ സിനിമ റിമേക്ക് ചെയ്യാനുള്ള അവകാശമാണ് ബോണി കപൂറിന്റെ ഉടമസ്ഥതയിലുള്ള നരസിംഹ എന്റർപ്രൈസസ് സ്വന്തമാക്കിയിരിക്കുന്നത്.
മമ്മൂട്ടി മുഖ്യമന്ത്രിയുടെ വേഷത്തിലെത്തിയ വൺ ബോബി–സഞ്ജയ് ടീമിന്റെ തിരക്കഥയാണ്. നിമിഷ വിജയൻ. മുരളി ഗോപി, മാമൂക്കോയ, സുദേവ് നായർ, ഇഷാനി കൃഷ്ണ എന്നിവരായിരുന്നു ചിത്രത്തിലെ പ്രധാന താരങ്ങൾ.
അന്ന ബെൻ കേന്ദ്രകഥാപാത്രമായ മാത്തുക്കുട്ടി സേവ്യർ ഒരുക്കിയ ഹെലൻ സിനിമയുടെ റീമേക്ക് അവകാശവും ബോണി കപൂർ സ്വന്തമാക്കിയിരുന്നു. മകളും നടിയുമായ ജാൻവി കപൂറിനെ നായികയാക്കി ചിത്രത്തിന്റെ ഹിന്ദി റീമേക്ക് ഒരുക്കുകയാണ് അദ്ദേഹം. അജിത് നായകനാകുന്ന ബിഗ് ബജറ്റ് ചിത്രം വാലിമൈയുടെ തിരക്കുകളിലാണ് ബോണി ഇപ്പോൾ. ബോളിവുഡ് ചിത്രം ആർട്ടിക്കിൾ 15–ന്റെ റീമേക്ക് ആയ ഉദയനിധി സ്റ്റാലിൻ നായകനാകുന്ന മറ്റൊരു ചിത്രവും അദ്ദേഹം തമിഴിൽ നിർമിക്കുമെന്ന് റിപ്പോർട്ടുകളുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
