മകളുടെ പിറന്നാളിന് 13കാരിയുണ്ടാക്കിയ കേക്ക്, ഇതുവരെ കഴിച്ചതിൽ ഏറ്റവും മികച്ചതെന്ന് ​ഗീതു മോഹൻദാസ്

​ഗീതു മോഹൻദാസിന്റേയും രാജീവ് രവിയുടേയും പൊന്നോമന ആരാധനയുടെ എട്ടാം പിറന്നാളായിരുന്നു ഇന്നലെ. അടുത്ത സുഹൃത്തുക്കൾക്കൊപ്പമായിരുന്നു താരപുത്രിയുടെ പിറന്നാൾ ആഘോഷം. ആ​ഘോഷത്തിലെ യഥാർത്ഥ താരം കേക്കായിരുന്നു. 13 കാരിയായ ബേക്കറാണ് ഈ കേക്കുണ്ടാക്കിയത്. സോഷ്യൽ മീഡിയയിലൂടെ ​ഗീതു മോ​ഹൻദാസ് തന്നെയാണ് ഇത് ആരാധകരെ അറിയിച്ചത്. 

സേറ ഫ്രാൻസിസ് എന്ന കൊച്ചുമിടുക്കി സംരംഭകയാണ് കുട്ടി കേക്കിന് പിന്നിൽ. താൻ കഴിച്ചതിൽ വച്ച് ഏറ്റവും രുചികരമായ കേക്കാണിത് എന്നാണ് ​ഗീതു കുറിച്ചത്. കൂടുതൽ ഓർഡർ എടുക്കാനും അത് എത്തിച്ചുതരാനും സേറയ്ക്കിപ്പോൾ സാധിക്കുമെന്നും ​ഗീതു വ്യക്തമാക്കുന്നുണ്ട്.

ഇന്ദ്രജിത്തിന്റേയും പൂർണിമയുടേയും മക്കളായ പ്രാർത്ഥനയും നക്ഷത്രയും പിറന്നാൾ ആഘോഷത്തിൽ പങ്കെടുത്തിരുന്നു. ബർത്ത്ഡേ ആഘോഷത്തിന്റെ ചിത്രങ്ങളും താരം പങ്കുവെച്ചിട്ടുണ്ട്. നിരവധി പേരാണ് കുട്ടി ആരുവിന് ആശംസ അറിയിച്ചിരിക്കുന്നത്.