ഉമ്മയുടെ ഈ ചിത്രം കാണുമ്പോൾ ഞാന്‍ വീണ്ടും കുട്ടിയായ പോലെ; സുൽഫത്തിന് പിറന്നാൾ ആശംസിച്ച് ദുൽഖർ

ഉമ്മയുടെ പിറന്നാള്‍ ദിനത്തില്‍ ആശംസകൾ നേർന്ന് ദുൽഖർ സൽമാൻ. സാരിയുടുത്ത സുൽഫത്തിന്റെ ചിത്രം പങ്കുവെച്ചുകൊണ്ടാണ് താരം ഉമ്മയ്‌ക്ക് പിറന്നാൾ നേർന്നത്. ഈ ചിത്രം കണ്ടപ്പോൾ താൻ കുട്ടിക്കാല ഓർമ്മകലിലേക്ക് പോയെന്നും ഇന്നും തങ്ങളെല്ലാവും ഉമ്മയ്ക്ക് കൊച്ചു കുട്ടികളാണെന്നും ദുൽഖർ ഫെയ്‌സ്ബുക്കിൽ കുറിച്ചു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ദുല്‍ഖറിന്‍റെ ഫെയ്സ്ബുക്ക് കുറിപ്പ്

എൻ്റെ പ്രിയപ്പെട്ട ഉമ്മാ,

നിങ്ങളുടെ ജന്മദിനത്തിന് പോസ്റ്റുചെയ്യാൻ ഞാൻ ഫോട്ടോകൾ നോക്കുന്നതിനിടയിൽ ഞാൻ ഈ ചിത്രം കണ്ടെത്തി. ഈ സാരിയിലുള്ള ഈ ഫോട്ടോ മറിയത്തേക്കാള്‍ ചെറിയ പ്രായത്തിലുള്ള എന്റെ കുട്ടിക്കാലവും നമ്മളൊരുമിച്ചുള്ള ചിത്രങ്ങളും എന്നെ ഓര്‍മിപ്പിക്കുകയാണ്. ഞാൻ വീണ്ടും ഒരു കുട്ടിയായതുപോലെ തോന്നി.

ഉമ്മ എന്നെ അങ്ങനെയാണ് കാണുന്നതെന്നെനിക്കറിയാം. എത്ര പ്രായമായാലും അവരുടെ കണ്ണുകളിലും ഹൃദയങ്ങളിലും മക്കള്‍ക്കും ചെറുമക്കള്‍ക്കും ഒക്കെ ഒരേ പ്രായമാണ്. ഞങ്ങൾ ഉമ്മയെ ഒരുപാട് സ്നേ​ഹിക്കുന്നു, നിങ്ങൾക്ക് ഏറ്റവും സന്തോഷകരമായ ജന്മദിനം നേരുന്നു.