പൊന്നിയിൻ സെൽവൻ നിർമാതാക്കളായ ലൈക പ്രൊഡക്ഷനിൽ ഇഡി പരിശോധന

ചെന്നൈ: പൊന്നിയിൻ സെൽവൻ, വിക്രം തുടങ്ങിയ  സുപ്പർഹിറ്റ് ചിത്രങ്ങളുടെ നിർമാതാക്കളായ ലൈക പ്രൊഡക്ഷനിൽ എൻഫോഴ്സ്മെന്റിന്റെ പരിശോധന.ചെന്നൈയിലെ ഓഫീസടക്കം 10 സ്ഥലങ്ങളിലാണ് പരിശോധന നടക്കുന്നത്. 

പൊന്നിയിൻ സെൽവൻ 1, പൊന്നിയിൻ സെൽവൻ 2 എന്നീ ചിത്രങ്ങളുടെ തുടർവിജയത്തിന് പിന്നാലെയാണ് എൻഫോഴ്സ്മെന്റ് പരിശോധന. കള്ളപ്പണവുമായി ബന്ധപ്പെട്ട് ലഭിച്ച പരാതിയുടെ അടിസ്ഥാനത്തിലാണ് പരിശോധന നടക്കുന്നതെന്നാണ് റിപ്പോർട്ട്. 492 കോടിയായിരുന്നു പൊന്നിയിൻ സെൽവൻ 1 ചിത്രത്തിന്റെ ലൈഫ് ടൈം ​ഗ്രോസ്.

വിക്രം, കാർത്തി, ജയം രവി, ഐശ്വര്യ റായ് ബച്ചൻ, തൃഷ കൃഷ്‍ണന്‍, റഹ്മാൻ, പ്രഭു, ജയറാം, ശരത് കുമാർ, വിക്രം പ്രഭു, ബാബു ആന്റണി, റിയാസ് ഖാൻ, ലാൽ, ശോഭിത ധൂലിപാല, ഐശ്വര്യ ലക്ഷ്‍മി, ജയചിത്ര തുടങ്ങി ഇന്ത്യന്‍ സിനിമയിലെ തന്നെ നിരവധി പ്രമുഖ താരങ്ങള്‍ അണിനിരക്കുന്ന ചിത്രത്തിന്റെ രണ്ടാം ഭാ​ഗവും മികച്ച വിജയം നേടി പ്രദർശനം തുടരുന്നതിനിടെയാണ് ചിത്രത്തിന്റെ നിർമാണ കമ്പനിയിൽ പരിശോധന.

ഈ വാര്‍ത്ത കൂടി വായിക്കൂ

25 വർഷത്തിന് ശേഷം ജ്യോതിക ബോളിവുഡിൽ മടങ്ങിയെത്തുന്നു; നായകന്മാർ അജയ് ദേ​വ്‌​ഗണും മാധവനും

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ