ആക്ഷൻ രം​ഗം ചിത്രീകരിക്കുന്നതിനിടെ നടൻ ഇമ്രാൻ ഹാഷ്മിക്ക് പരിക്ക്

ഹൈദരാബാദ്: സിനിമ ചിത്രീകരണത്തിനിടെ നടൻ ഇമ്രാൻ ഹാഷ്മിക്ക് പരിക്ക്. ​ഗൂഡചാരി 2 എന്ന ചിത്രത്തിന്റെ ആക്ഷൻ രം​ഗങ്ങൾ ചിത്രീകരിക്കുന്നതിനിടെയായിരുന്നു നടന് പരിക്കേറ്റത്. കഴുത്തിലാണ് നടന് പരിക്കേറ്റത്. കഴുത്ത് മുറിഞ്ഞ് ചോരയുമായി ഇരിക്കുന്ന ഇമ്രാന്റെ ചിത്രങ്ങൾ സോഷ്യൽ മീ‍ഡിയയിൽ വ്യാപകമായി പ്രചരിക്കുന്നുണ്ട്. മുറിവ് കെട്ടിവച്ചിരിക്കുന്ന താരത്തിന്റെ ചിത്രവും പുറത്തുവന്നിട്ടുണ്ട്.

എന്നാൽ പരിക്കിനേപ്പറ്റി നടൻ ഇതുവരെ പ്രതികരിച്ചിട്ടില്ല. താരത്തിന്റെ ആരോ​ഗ്യാവസ്ഥയിൽ സോഷ്യൽ മീഡിയയിലൂടെ ആരാധകർ ആശങ്ക പങ്കുവയ്ക്കുന്നുമുണ്ട്. അദിവി ശേഷ് സംവിധാനം ചെയ്യുന്ന ​ഗൂഡചാരി 2 വിന്റെ ചിത്രീകരണം ഫെബ്രുവരിയിലാണ് തുടങ്ങിയത്.

'ദീപിക കുഞ്ഞുമായി തിരക്കിലാണ്, എന്റെ ഡ്യൂട്ടി രാത്രിയില്‍': രണ്‍വീര്‍ സിങ്

2018ൽ പുറത്തിറങ്ങിയ തെലുങ്ക് ചിത്രത്തിന്റെ രണ്ടാം ഭാ​ഗമാണ് സ്പൈ ത്രില്ലറായ ​ഗൂദാചാരി 2. ഇമ്രാൻ ഹാഷ്മിയുടെ രണ്ടാമത്തെ തെലുങ്ക് ചിത്രം കൂടിയാണിത്. ശോഭിത ധൂലിപാല, ജ​ഗപതി ബാബു എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്.