ലോകമെമ്പാടും ഏറെ ആരാധകരുള്ള പാകിസ്ഥാൻ ഗായകനാണ് ആതിഫ് അസ്ലാം. താരത്തിന്റെ സംഗീത പരിപാടികൾ ആരാധകരെ ആവേശം കൊള്ളിക്കാറുണ്ട്. സ്റ്റേജിൽ പാട്ടുപാടുന്നതിനിടെ തന്റെ മേലെ പണം വലിച്ചെറിഞ്ഞ ആരാധകനോടുള്ള ഗായകന്റെ പ്രതികരണമാണ് ഇപ്പോൾ സോഷ്യൽ മീഡിയയിൽ വൈറലാവുന്നത്.
യുഎസിൽ നടന്ന സംഗീത പരിപാടിക്കിടെയായിരുന്നു സംഭവമുണ്ടായത്. ‘സോച്ച്താ ഹൂൻ കെ വോ കിത്‌നെ മസൂം തെ’ എന്ന ഗാനം ആലപിക്കുകയായിരുന്നു ആതിഫ്. അതിനിടെ പാട്ട് കേട്ട് ആവേശംകൊണ്ട ആരാധകൻ നോട്ടുകൾ താരത്തിനു നേരെ വലിച്ചെറിയുകയായിരുന്നു. പണമാണ് തനിക്ക് നേരെ വലിച്ചെറിഞ്ഞത് എന്ന് മനസിലാക്കിയതോടെ ആതിഫ് പാട്ട് നിർത്തി. തുടർന്ന് ആരാധകനോട് വന്ന് പണം തിരിച്ചെടുക്കാൻ ആവശ്യപ്പെടുകയായിരുന്നു.
സുഹൃത്തേ, എന്റെ നേര്‍ക്ക് എറിയാതെ ഈ പണം ആവശ്യമുള്ളവര്‍ക്ക് നല്‍കൂ. പണത്തോടുള്ള അനാദരവാണ് ഇത്.- എന്നാണ് ആരാധകനെ സ്‌റ്റേജിലേക്ക് വിളിച്ചുകൊണ്ട് താരം പറഞ്ഞത്. തുടര്‍ന്ന് പാട്ട് പാടുന്നത് തുടര്‍ന്നു. ഇതിന്റെ വിഡിയോ സോഷ്യൽ മീഡിയയിൽ വൻ വൈറലായിരിക്കുകയാണ്. പണത്തിന്റെ പ്രാധാന്യത്തേക്കുറിച്ച് ആരാധകന് പറഞ്ഞുകൊടുത്തത് പലരുടേയും മനസ് കീഴടക്കുകയാണ്. സഹഗായകൻ ആഘ അലിയും ആതിഫിനെ പ്രശംസിച്ചു.
ഇത് ആദ്യമായല്ല സംഗീത പരിപാടിക്കിടെ താരങ്ങൾക്ക് നേർ‌ക്ക് വസ്തുക്കൾ വലിച്ചെറിയുന്നത്. മദ്യം, മുതൽ സെൽഫോൺ വരെയുള്ളവകൊണ്ട് താരങ്ങൾക്ക് ഏറുകിട്ടിയിരിക്കുന്നു. ഗായകൻ അരിജിത് സിംഗ്, കനേഡിയൻ റാപ്പർ ഡ്രേക്ക്, ബേബേ റെക്സാ, കാർഡി ബി എന്നിവരെല്ലാം ആരാധകരുടെ ആവേശത്തിന് ഇരയായിട്ടുള്ളവരാണ്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
