'മസ്തിഷ്ക മരണ'ത്തിനു ശേഷം കൃഷാന്ദിന്റെ ‘മാഞ്ചിയം, ദി ബോട്ടണി ഓഫ് എ ക്രൈം’, തിരക്കഥയിൽ സഞ്ചു ശിവറാമും

ഒരു ദേശീയ പുരസ്കാരവും രണ്ട് സംസ്ഥാന ചലച്ചിത്ര അവാർഡുകളും സ്വന്തമാക്കിയിട്ടുള്ള സംവിധായകൻ കൃഷാന്ദ് ഒരുക്കുന്ന പുതിയ ചിത്രം ‘മാഞ്ചിയം, ദി ബോട്ടണി ഓഫ് എ ക്രൈം’ എന്ന ചിത്രത്തിൻ്റെ ടൈറ്റിൽ ലുക്ക് പുറത്തിറങ്ങി. സ്പൈർ പ്രൊഡക്ഷൻസിന്റെ ബാനറിൽ സഞ്ചു ഉണ്ണിത്താനാണ് ചിത്രം നിർമ്മിക്കുന്നത്. ക്രിഷാന്തിന്റെ ആറാമത്തെ സംവിധാന സംരംഭമാണിത്. കൃഷാന്ദ് ഫിലിംസും ആയി സഹകരിച്ചാണ് ചിത്രം ഒരുക്കുന്നത്. ചിത്രത്തിൻ്റെ ചിത്രീകരണം ഈ മാസം തന്നെ ആരംഭിക്കും.

നിഗൂഢതയും ഉദ്വേഗവും നിറഞ്ഞ അന്തരീക്ഷമാണ് ടൈറ്റിൽ ലുക്ക് പോസ്റ്ററിന്റെ പ്രധാന ആകർഷണം. ഇടതൂർന്ന വനവും മഴനനഞ്ഞ പ്രകൃതിയും പശ്ചാത്തലമാകുന്ന പോസ്റ്ററിൽ ഒരു പുള്ളിപ്പുലിയുടെ സാന്നിധ്യവും ശ്രദ്ധ നേടുന്നു. 'തൊണ്ടിമാടം പ്രിസൺസ്’ എന്ന് രേഖപ്പെടുത്തിയ പഴയ ജയിൽ കവാടവും ദൃശ്യങ്ങളിൽ ഇടംപിടിച്ചിട്ടുണ്ട്. ‘The Axe Forgets, But The Tree Remembers’ എന്ന ടാഗ്‌ലൈനും ചിത്രത്തിന്റെ പ്രമേയത്തെക്കുറിച്ച് ആകാംക്ഷയുണർത്തുന്നു. ക്രൈം പശ്ചാത്തലത്തിലുള്ള വ്യത്യസ്തമായൊരു സിനിമാനുഭവത്തിലേക്കാണ് ടൈറ്റിൽ ലുക്ക് സൂചന നൽകുന്നത്.

ചിത്രത്തിൻ്റെ കഥ ഉണ്ണി കാർത്തികേയന്റേതാണ്. ക്രിഷാന്തും നടൻ സഞ്ചു ശിവറാമും ചേർന്നാണ് തിരക്കഥ ഒരുക്കിയിരിക്കുന്നത്. ലിജീഷ് കുമാറും രാഹുൽ രാജീവും അധിക തിരക്കഥാ രചനയിൽ പങ്കാളികളാണ്.

സഞ്ചു ശിവറാം, സുധി കോപ്പ, വിൻ സി അലോഷ്യസ്, മണിയൻപിള്ള രാജു, നിരഞ്ജ് മണിയൻപിള്ള രാജു, രാഹുൽ രാജീവ്, നന്ദു, രാധാ ഗോമതി, ദിവ്യ പ്രഭ, നിഷാന്ത് സാഗർ, വിനീത് തട്ടിൽ ഡേവിഡ്, ജോജി കെ ജോൺ, പ്രമോദ് വെളിയനാട്, റൂത്ത് പി. ജോൺ, തുടങ്ങിയവരാണ് ചിത്രത്തിലെ താരനിരയിലുള്ളത്. ടൈറ്റിൽ ലുക്കിലൂടെ തന്നെ ശ്രദ്ധ നേടിയ ‘മാഞ്ചിയം’ ക്രിഷാന്തിന്റെ വ്യത്യസ്തമായ സിനിമാറ്റിക് സമീപനത്തിൽ ഒരുങ്ങുന്ന മറ്റൊരു ചിത്രമെന്ന നിലയിൽ പ്രതീക്ഷയുണർത്തുന്നു. ചിത്രത്തിന്റെ കൂടുതൽ വിവരങ്ങൾ അണിയറപ്രവർത്തകർ വൈകാതെ പുറത്തുവിടും. ദി പ്ലോട്ട് പിക്ചേഴ്സ് ആണ് ചിത്രത്തിൻ്റെ വിദേശ വിതരണാവകാശം സ്വന്തമാക്കിയിരിക്കുന്നത്.

സംവിധാനം: ക്രിഷാന്ത്, നിർമ്മാണം: സഞ്ചു ഉണ്ണിത്താൻ, ബാനർ: സ്പൈർ പ്രൊഡക്ഷൻസ്, കഥ: ഉണ്ണി കാർത്തികേയൻ, തിരക്കഥ: ക്രിഷാന്ത്, സഞ്ചു ശിവറാം, അധിക തിരക്കഥ: ലിജീഷ് കുമാർ, രാഹുൽ രാജീവ്, ഛായാഗ്രഹണം: പ്രയാഗ് മുകുന്ദൻ, സംഗീതം, ഒറിജിനൽ സ്കോർ: മുജീബ് മജീദ്, എഡിറ്റർ: ശശികുമാർ, ചീഫ് അസോസിയേറ്റ് ഡയറക്ടർ: നിഖിൽ പ്രഭാകർ, അസോസിയേറ്റ് ഛായാഗ്രാഹകൻ: നിഖിൽ സുരേന്ദ്രൻ, സൗണ്ട് ഡിസൈൻ: രംഗനാഥ് രവി, ആർട്ട് ഡയറക്ടർ: ആൽവിൻ ജോസഫ്,

കോസ്റ്റ്യൂം ഡിസൈനർ: ദിവ്യ ജോബി, മേക്കപ്പ്: അർഷാദ് വർക്കല, എക്സിക്യൂട്ടീവ് പ്രൊഡ്യൂസർമാർ: ബിനു നായർ, രാഹുൽ രാജഗോപാൽ, പ്രൊഡക്ഷൻ കൺട്രോളർ: ജയേഷ് എൽ.ആർ., കാസ്റ്റിംഗ് ഡയറക്ടർ: സനു പടവീടൻ, ഡി.ഐ സ്റ്റുഡിയോ: കളർ പ്ലാനറ്റ്, കളറിസ്റ്റ്: രമേഷ് സി.പി., മീഡിയ ഇന്റഗ്രിറ്റി ആൻഡ് ഹാൻഡ്ലിംഗ്: കളർ ക്യൂബ്സ് ഡി.ഐ.ടി.എക്സ്., വി.എഫ്.എക്സ്.: ശ്രീജിത്ത് കലൈയരശു, ഡിസ്ട്രിബ്യൂഷൻ മാനേജർ: പ്രദീപ് മേനോൻ, ഡിസൈൻസ്: ഇല്ലുമിനാർട്ടിസ്റ്റ്, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടെയ്ൻമെന്റ്സ്, പി.ആർ.ഒ.: ശബരി.