സച്ചിനും ധോനിക്കും പിന്നാലെ ദാദയും; ഗാം​ഗുലിയുടെ ജീവചരിത്ര സിനിമ ഒരുങ്ങുന്നു, നായകൻ രൺബീർ കപൂർ? 

സച്ചിനും ധോനിക്കും പിന്നാലെ മുൻ ഇന്ത്യൻ ക്രിക്കറ്റ് താരവും ബിസിസിഐ പ്രസിഡന്റുമായ സൗരവ് ​ഗാം​ഗുലിയുടെ ജീവിതവും സിനിമയാകുന്നു. ബി​ഗ് ബഡ്ജറ്റിൽ ചെയ്യുന്ന ചിത്രം ഹിന്ദിയിലാകും ഒരുങ്ങുന്നത്. സിനിമ ചെയ്യാൻ താൻ സമ്മതം അറിയിച്ചതായി ഗാം​ഗുലി പറഞ്ഞു. 

സംവിധായകൻ ആരാണെന്ന് പുറത്തിവിട്ടിട്ടില്ല. നടൻ രൺബീർ കപൂറിനെയാണ് താരം നായകസ്ഥാനത്ത് ആ​ഗ്രഹിക്കുന്നതെന്നാണ് റിപ്പോർട്ടുകൾ. ക്രിക്കറ്റ് താരത്തിൽ നിന്ന് തുടങ്ങി നായകനായി പിന്നീട് ബിസിസിഐ പ്രസിഡന്റ് സ്ഥാനം വരെയുള്ള സൗരവിന്റെ യാത്രയാകും സിനിമയിലെ ഇതിവൃത്തം. 

നേരത്തെ കായിക താരങ്ങളായ സച്ചിൻ ടെൻഡുൽക്കർ, എം എസ് ധോനി, സൈന നെഹ്വാൾ, കപിൽ ദേവ്, മുഹമ്മദ് അസറുദ്ധീൻ തുടങ്ങിയവരുടെ ജീവിതം ക്യാമറയ്ക്ക് മുന്നിൽ എത്തിയിട്ടുണ്ട്.