ഈ വർഷം 150 കോടി കടന്ന ഏക തമിഴ് ചിത്രം; ഒടിടിയിലും തകർക്കാൻ അജിത്തിന്റെ 'ഗുഡ് ബാഡ് അ​ഗ്ലി', റിലീസ് തീയതി പുറത്ത്

​അജിത്തിനെ നായകനായി ആദിക് രവിചന്ദ്രൻ സംവിധാനം ചെയ്ത ചിത്രമാണ് ​ഗുഡ് ബാഡ് അ​ഗ്ലി. വ്യത്യസ്ത ​ഗെറ്റപ്പുകളിലായിരുന്നു ചിത്രത്തിൽ അജിത് എത്തിയത്. ​ഗുഡ് ബാഡ് അ​ഗ്ലി തിയറ്ററുകളിലും ഹിറ്റായി മാറിയിരുന്നു. ഏപ്രിൽ 10 നാണ് ചിത്രം തിയറ്ററുകളിലെത്തിയത്.

ഇപ്പോഴിതാ ചിത്രം ഒടിടിയിലേക്ക് എത്തുകയാണ്. തിയറ്ററിലെത്തി ഒരു മാസം തികയുന്നതിന് മുൻപേയാണ് ചിത്രത്തിന്റെ ഒടിടിയിലേക്കുള്ള വരവ്. മെയ് 8 ന് നെറ്റ്ഫ്ലിക്സിലൂടെയാണ് ചിത്രം സ്ട്രീമിങ് തുടങ്ങുക. തമിഴ്, ഹിന്ദി, തെലുങ്ക്, കന്നഡ, മലയാളം ഭാഷകളിൽ ചിത്രം പ്രേക്ഷകർക്ക് കാണാനാകും.

21 ദിവസത്തിനുള്ളിൽ ആ​ഗോളത്തലത്തിൽ 153 കോടി രൂപ ചിത്രം കളക്ഷൻ നേടി. ഈ വർഷം 150 കോടി കടക്കുന്ന ഏക തമിഴ് ചിത്രവും ​ഗുഡ് ബാഡ് അ​ഗ്ലിയാണ്. ലോകമെമ്പാടുമായി 245 കോടി കളക്ഷനാണ് ചിത്രം ആകെ നേടിയത്.

'ചെവി വേദന വന്നു, എംആർഐ എടുത്തപ്പോൾ കാൻസർ; 16 കിലോ ഭാരം കുറഞ്ഞു'

അജിത്, തൃഷ കൃഷ്ണൻ എന്നിവർക്കൊപ്പം ജാക്കി ഷ്രോഫ്, അർജുൻ ദാസ്, പ്രഭു, പ്രസന്ന, യോഗി ബാബു, സുനിൽ എന്നിവരും പ്രധാന വേഷങ്ങളിലെത്തിയിരുന്നു. നടി സിമ്രാനും ചിത്രത്തിൽ അതിഥി വേഷത്തിലെത്തി.