‌പ്രിയപ്പെട്ട കമൽ ഹാസൻ സാറിന്...; പിറന്നാൾ ആശംസകൾ നേർന്ന് മോഹൻലാൽ

കമൽ ഹാസന് പിറന്നാൾ ആശംസകൾ നേർന്ന് നടൻ മോഹൻലാൽ. എക്സിലൂടെയാണ് മോഹൻലാൽ പിറന്നാൾ ആശംസകൾ അറിയിച്ചത്. 'പ്രിയപ്പെട്ട കമൽ ഹാസൻ സാറിന് ജന്മദിനാശംസകൾ. നിങ്ങളുടെ കലാപരതയും സർ​ഗത്മകതയും അർപ്പണബോധവും ലോകവുമായി പങ്കിടുന്നത് തുടരുക. ഈ വർഷം കൂടുതൽ വിജയവും സന്തോഷവും ഉണ്ടാകട്ടെ'- എന്നാണ് മോഹൻലാൽ കുറിച്ചിരിക്കുന്നത്.

ആരാധകരും താരങ്ങളുമടക്കം നിരവധി പേരാണ് കമൽ ഹാസന് സോഷ്യൽ മീഡിയയിലൂടെ പിറന്നാൾ ആശംസകൾ അറിയിക്കുന്നത്. 70-ാം പിറന്നാളാണ് കമൽ ഹാസന്റേത്. പിറന്നാളിനോടനുബന്ധിച്ച് അദ്ദേഹത്തിന്റെ പുതിയ സിനിമ പ്രഖ്യാപനങ്ങൾ എന്തെങ്കിലും ഉണ്ടാകുമോ എന്ന കാത്തിരിപ്പിലാണ് ആരാധകർ.

അതൈയും താണ്ടി പുനിതമാനത്... ഒരേയൊരു ഉലക നായകൻ; കമൽ ഹാസന് ഇന്ന് 70-ാം പിറന്നാൾ

അടുത്തിടെ എംടിയുടെ ചെറുകഥകളെ അടിസ്ഥാനമാക്കിയൊരുക്കിയ മനോരഥങ്ങൾ എന്ന ആന്തോളജി സീരിസിനായി കമൽ ഹാസനും മോഹൻലാലും ഒന്നിച്ചിരുന്നു. മണിരത്നം ചിത്രം ത​ഗ് ലൈഫ് ആണ് കമൽ ഹാസന്റേതായി അണിയറയിൽ ഒരുങ്ങുന്ന ചിത്രം. എംപുരാൻ, എൽ360 ഉൾപ്പെടെ നിരവധി സിനിമകളാണ് മോഹൻലാലിന്റേതായി അണിയറയിൽ ഒരുങ്ങുന്നത്.