'ഹൃദയഭേദകം': കുസാറ്റ് ദുരന്തത്തിൽ ദുഃഖം രേഖപ്പെടുത്തി മമ്മൂട്ടി

കുസാറ്റ് കാമ്പസിൽ നടന്ന ദുരന്തത്തിൽ ദുഃഖം രേഖപ്പെടുത്തി സൂപ്പർതാരം മമ്മൂട്ടി. സോഷ്യൽ മീഡിയയിൽ പങ്കുവച്ച കുറിപ്പിനൊപ്പമാണ് മമ്മൂട്ടി വേദന പങ്കുവച്ചത്. ദുരന്തം ഹൃദയഭേദകമാണ് എന്നാണ് താരം കുറിച്ചത്. 

കൊച്ചിയിലെ കുസാറ്റ് കാമ്പസിൽ നടന്ന ദുരന്തം ഹൃദയംഭേ​ദകമാണ്. ഈ നിമിഷത്തിൽ എന്റെ ചിന്തകൾ ജീവൻ നഷ്ടപ്പെട്ടവരുടെ കുടുംബത്തിനൊപ്പമാണ്. പരിക്കേറ്റവർ വേഗം സുഖം പ്രാപിക്കട്ടെ എന്ന് പ്രാർത്ഥിക്കുന്നു.

ഇന്നലെ കുസാറ്റ് ക്യാമ്പസിൽ വച്ച് നടന്ന സം​ഗീത പരിപാടിയാണ് ദുരന്തത്തിലേക്ക് നയിച്ചത്. വിദ്യാർത്ഥികൾ ഉൾപ്പടെ നാല് പേരാണ് മരിച്ചത്.  മഴ പെയ്തതോടെ കുട്ടികള്‍ ഒന്നിച്ച് ഓഡിറ്റോറിയത്തിലേക്ക് കയറിയതാണ് അപകടത്തിന് കാരണമായത്. വിദ്യാര്‍ഥികളായ അതുല്‍ തമ്പി (21), ആന്‍ റുഫ്ത (21), സാറാ തോമസ് (20) പാലക്കാട് മുണ്ടൂര്‍ സ്വദേശി ആല്‍വിന്‍ ജോസഫ് എന്നിവരാണ് അപകടത്തില്‍ മരിച്ചത്. 56 കുട്ടികൾക്ക് പരിക്കേറ്റു. ഇതിൽ രണ്ട് പേരുടെ നില ​ഗുരുതരമാണ്.

ഈ വാർത്ത കൂടി വായിക്കൂ 

പൃഥ്വി ഷായെ ഡല്‍ഹി നിലനിര്‍ത്തി; ശാര്‍ദുലിനെ ഒഴിവാക്കി കൊല്‍ക്കത്ത

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ