നാഗചൈതന്യ പൊലീസ് വേഷത്തിൽ എത്തുന്ന കസ്റ്റഡി റിലീസിന് ഒരുങ്ങുകയാണ്. ചിത്രത്തിന്റെ പ്രമോഷന്റെ ഭാഗമായി നാഗചൈതന്യ പൊലീസുകാർക്കൊപ്പം സംവാദം നടത്തിയിരുന്നു. അതിനിടെ ഒരു പൊലീസുകാരൻ നാഗചൈതന്യയോട് നടത്തിയ വെളിപ്പെടുത്തലാണ് ഇപ്പോൾ ശ്രദ്ധനേടുന്നത്. നാഗചൈതന്യയുടെ സിനിമ കാരണം തനിക്ക് ശബ്ദം തിരിച്ചുകിട്ടിയെന്നാണ് ഉദ്യോഗസ്ഥൻ പറഞ്ഞത്.
2013ൽ റിലീസ് ചെയ്ത തഡാഖ എന്ന ചിത്രത്തേക്കുറിച്ചാണ് ഉദ്യോഗസ്ഥൻ പറഞ്ഞത്. ബൈക്ക് അപകടത്തിൽ മസ്തിഷ്‌കാഘാതം സംഭവിച്ച താന്‍ ജീവിതത്തിലേക്ക് മടങ്ങിവന്നത് ഈ സിനിമ കണ്ടാണെന്ന് അദ്ദേഹം താരത്തോട് പറയുഞ്ഞു. പൊലീസ് ഉദ്യോഗസ്ഥനായി എത്തുന്ന സുനിലിന്റെ കഥാപാത്രത്തെ വില്ലൻമാർ ഇടിക്കുന്ന സീനുണ്ട്. തന്റെ ഭയത്തെ മറികടന്ന് അദ്ദേഹം ധൈര്യശാലിയാകുന്നത് ഈ രംഗത്തിലാണ്. തനിക്ക് ഏറ്റവും ഇഷ്ടപ്പെട്ട ഭാഗം ഇതാണ് എന്നാണ് പൊലീ ഉദ്യോഗസ്ഥൻ പറഞ്ഞത്.
ഒരു വര്‍ഷം മുമ്പുണ്ടായ ബൈക്കപകടത്തില്‍ തലച്ചോറില്‍ രക്തം കട്ടപിടിച്ചാണ് അദ്ദേഹത്തിന് സംസാരശേഷി നഷ്ടപ്പെടുന്നത്. ജീവിതത്തിലേക്ക് തിരിച്ചുവരാന്‍ തഡാഖ പ്രേരണയായി. ഇപ്പോള്‍ കുറേശ്ശേയായി സംസാരിക്കാന്‍ പറ്റുന്നുണ്ടെന്നും നാഗചൈതന്യയോട് താരം പറഞ്ഞു. പൊലീസ് ഉദ്യോഗസ്ഥന്റെ അനുഭവം കേട്ട് നാഗചൈതന്യ നിറചിരിയോടെ കയ്യടിക്കുകയായിരുന്നു. പൊലീസ് കോൺസ്റ്റബിൾമാർക്കൊപ്പമുള്ള താരത്തിന്റെ വിഡിയോ പുറത്തുവന്നു. പൊലീസുകാർക്കൊപ്പം പുഷ്അപ് എടുക്കുന്നതും ട്രെയിനിങ് നടത്തുന്നതുമെല്ലാം വിഡിയോയിലുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
