'എനിക്കൊരു സ്വപ്നമുണ്ട്, ഞാനത് നേടും'; ​ഗ്ലാമറസ് ലുക്കിൽ അഹാന; വിഡിയോ

നടി അഹാന കൃഷ്ണയുടെ പുത്തൻ ഫോട്ടോഷൂട്ട് സോഷ്യൽ മീഡിയയിൽ വൈറലാവുന്നു. അറേബ്യൻ രീതിയിലുള്ള വസ്ത്രമണി​ഞ്ഞ് അതീവ ​ഗ്ലാമറസ് ലുക്കിലാണ് താരം എത്തുന്നത്. ഫോട്ടോഷൂട്ട് ചിത്രങ്ങളും വിഡിയോയുമാണ് താരം പങ്കുവെച്ചിരിക്കുന്നത്. 

ഡീപ് നെക്കിലുള്ള സ്ലീവ് ലസ് ലെഹങ്കയാണ് അഹാനയുടെ വേഷം. വലിയ നെറ്റിച്ചുട്ടിയിൽ രാജകുമാരിയെപ്പോലെ സുന്ദരിയാണ് അഹാന. അതിനൊപ്പം ചെറിയ വട്ടക്കമ്മലും മോതിരവും മാത്രമാണ് താരം അണിഞ്ഞിരിക്കുന്നത്. വഫാരയാണ് ചിത്രങ്ങൾ പകർത്തിയത്. അസാനിയ നസ്രിനാണ് വസ്ത്രം ഒരുക്കിയത്. ശിവയാണ് മേക്ക്അപ്പ്. 

മനോഹരമായ അടിക്കുറിപ്പുകൾക്കൊപ്പമാണ് താരം ചിത്രങ്ങൾ പങ്കുവെച്ചത്.  12 വയസുള്ളപ്പോള്‍ ഇങ്ങനെയാണ് ഞാന്‍ എന്റെ സ്വപ്‌നങ്ങളെ നോക്കിയിരുന്നത്, എന്റെ അലാദ്ദീനും മാന്ത്രിക വിളക്കും ആ കുരങ്ങനും എവിടെ? എനിക്കൊരു സ്വപ്‌നമുണ്ട്, ഞാന്‍ അവിടെ എത്തുക തന്നെ ചെയ്യും. ഓകെ ബൈ- താരം കുറിച്ചു. മികച്ച പ്രതികരണങ്ങളാണ് ചിത്രങ്ങൾക്ക് ലഭിക്കുന്നത്. എന്നാൽ അതിനൊപ്പം മോശം കമന്റുകളും വരുന്നുണ്ട്.