ത്രില്ലടിപ്പിക്കാൻ ജാഫർ ഇടുക്കി, ചുഴൽ ടീസർ

ജാർഫർ ഇടുക്കി പ്രധാന വേഷത്തിൽ എത്തുന്ന ചുഴലിന്റെ ടീസർ പുറത്ത്. നവാ​ഗതനായ ബിജു മാണി തിരക്കഥ എഴുതി സംവിധാനം ചെയ്യുന്ന ചിത്രം മിസ്റ്ററി ത്രില്ലറാണ്. ഒരു ഹില്‍ സ്റ്റേഷന്‍ റിസോര്‍ട്ട് പശ്ചാത്തലമാക്കിയാണ് ചിത്രം ഒരുക്കിയിരിക്കുന്നത്. നിരൂഢതകൾ നിറച്ചുകൊണ്ടാണ് ചിത്രത്തിന്റെ ടീസർ എത്തുന്നത്. 

ആര്‍ ജെ നില്‍ജ, എബിന്‍ മേരി, സഞ്ജു പ്രഭാകരന്‍, ഗസല്‍ അഹമ്മദ്, ശ്രീനാഥ് തുടങ്ങിയവരാണ് മറ്റു പ്രധാന വേഷങ്ങളിൽ എത്തുന്നത്. നക്ഷത്ര പിക്ചേഴ്സിന്‍റെ ബാനറില്‍ നിഷ മഹേശ്വരന്‍ ആണ് നിര്‍മ്മാണം. ഛായാഗ്രഹണം സാജിദ് നാസര്‍. എഡിറ്റിംഗ് അമര്‍ നാഥ്. പശ്ചാത്തലസംഗീതം ഹിഷാം അബ്‍ദുള്‍ വഹാബ്.