കൊച്ചി: മിത്ത് പരാമര്‍ശവിവാദത്തിനിടെ 'ജയ് ഗണേഷ്'എന്ന പേരില്‍ സിനിമ പ്രഖ്യാപിച്ച് ഉണ്ണി മുകുന്ദന്‍. രഞ്ജിത്ത് ശങ്കറാണ് ചിത്രത്തിന്റെ സംവിധായകന്‍. ഒറ്റപ്പാലത്തെ ഗണേശോത്സവത്തിന്റെ വേദിയിലാണ് ഉണ്ണി മുകുന്ദന്റെ
പ്രഖ്യാപനം.ഉണ്ണി മുകുന്ദന്‍ ഫിലിംസ് പ്രൈവറ്റ് ലിമിറ്റഡ് തന്നെയാണ് ചിത്രത്തിന്റെ നിര്‍മ്മാണം.
ഇന്ന് ഗണപതി മിത്താണെന്നു പറയുന്നവര്‍ നാളെ കൃഷ്ണനും ശിവനും പിന്നെ നമ്മളും മിത്താണെന്നു പറയുമെന്ന് കഴിഞ്ഞ ദിവസം ഉണ്ണി മുകുന്ദന്‍ അഭിപ്രായപ്പെട്ടിരുന്നു. വിനായകചതുര്‍ഥി ആഘോഷങ്ങളുടെ ഭാഗമായി കൊട്ടാരക്കര മഹാഗണപതിക്ഷേത്രത്തില്‍ ചേര്‍ന്ന സാംസ്‌കാരികസമ്മേളനത്തിലായിരുന്നു അദ്ദേഹത്തിന്റെ പരാമര്‍ശം. ആര് ആര്‍ക്കുവേണ്ടിയാണ് ഇതു പറയുന്നതെന്നു മനസ്സിലാക്കണം. വിഷമമുണ്ടായി എന്ന് ഉറക്കെ പറയാനെങ്കിലും തയ്യാറാകണം. ഇല്ലെങ്കില്‍ നമ്മള്‍ നടത്തുന്ന ആഘോഷങ്ങള്‍ക്കും ഉത്സവങ്ങള്‍ക്കും അര്‍ഥമില്ലാതാകും. ജീവിതദുഃഖങ്ങള്‍ തരണംചെയ്യാനുള്ള ആശ്രയമാണ് ദൈവമെന്ന് അറിയാത്തവരില്ല. മര്യാദയുടെ പേരിലെങ്കിലും ദൈവങ്ങള്‍ക്കുവേണ്ടി സംസാരിക്കാന്‍ മടിക്കരുത്. അതിന് ചങ്കൂറ്റത്തിന്റെ ആവശ്യമില്ലെന്നും ഉണ്ണി മുകുന്ദന്‍ പറഞ്ഞു.
വിഘ്നങ്ങള്‍ അകറ്റാനായി എന്നും പ്രാര്‍ഥിക്കുന്ന മഹാഗണപതി മിത്താണെന്നു പറഞ്ഞാല്‍ ഉള്‍ക്കൊള്ളാന്‍ കഴിയില്ല. നമ്മള്‍ വിശ്വസിക്കുന്ന ദൈവം ഇല്ല, മിത്താണെന്നു പറയുമ്പോള്‍ ആരും ഒരു വിഷമവും കാട്ടുന്നില്ല. കേരളത്തില്‍ ഹിന്ദു വിശ്വാസികള്‍ പേടിയുള്ളവരും നട്ടെല്ലില്ലാത്തവരുമായി മാറുകയാണെന്ന് അദ്ദേഹം പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
