തലയിൽ കെട്ടുംകെട്ടി തനി നാടൻ കർഷകനായി ജയറാം; വിളവെടുപ്പ് വിഡിയോ

ഒരു നടൻ എന്നതിലുപരി മിമിക്രി ആർട്ടിസ്റ്റ്, ചെണ്ട കലാകാരൻ, ആന പ്രേമി എന്നിങ്ങനെയും ജയറാം നമ്മൾക്കിടയിൽ സജീവമാണ്. ഇപ്പോഴിതാ താൻ നല്ലൊരു കർഷകൻ കൂടിയാണെന്ന് തെളിയിച്ചിരിക്കുകയാണ് താരം. ജയറാം തന്റെ ഇൻസ്റ്റാ​ഗ്രാം പേജിൽ പോസ്റ്റ് ചെയ്‌ത ഒരു വിഡിയോയാണ് ഇപ്പോൾ ആരാധകർക്കിടയിൽ ശ്രദ്ധേയമാകുന്നത്. 

തലയിൽ തോർത്ത് മുണ്ട് കെട്ടി തന്റെ വീട്ടുവളപ്പിലെ തോട്ടത്തിൽ നിന്നും താരം പച്ചക്കറികൾ ശേഖരിക്കുന്നതാണ് വിഡിയോയിൽ. വെള്ളരി, മത്തൻ, കത്തിരിക്ക, തക്കാളി, വഴുതനങ്ങ തുടങ്ങി നിരവധി പച്ചക്കറികൾ അദ്ദേഹം വിളവെടുക്കുന്നുണ്ട്. മനസിനരക്കരെ എന്ന സിനിമയിലെ 'മറക്കുടയാൽ മുഖം മറയ്‌ക്കും' എന്ന ​ഗാനത്തിന്റെ പശ്ചാത്തലത്തിലാണ് വിഡിയോ ചെയ്‌തിരിക്കുന്നത്.

ഇതിനോടകം നിരവധി ആളുകളാണ് വിഡിയോ കണ്ടത്. താരത്തെ പ്രശംസിച്ച് നിരവധി പേർ കമന്റും ചെയ്‌തു. 'ആക്ടർ , മിമിക്രി ആര്ടിസ്റ്റ്, ആനപ്രേമി, ചെണ്ടക്കാരൻ, കർഷകൻ, ഗായകൻ.. എന്നിങ്ങനെ തുടരുന്നു ജയരാമേട്ടന്റെ ജീവിതം, പാട്ടു കേട്ടപ്പോ തന്നെ ആ പാട്ടിലെ സീനുകളോക്കെ മനസ്സിൽ തെളിഞ്ഞു, എവർഗ്രീൻ ഐറ്റംസ് ആണ് അതൊക്കെ', എന്നിങ്ങനെയാണ് വിഡിയോയ്‌ക്ക് താഴെ വന്ന കമന്റുകൾ.

ഈ വാര്‍ത്ത കൂടി വായിക്കൂ 

‘ഇന്‍ഷാ അള്ളാ …’; ബേസില്‍ ജോസഫിന്റെ കഠിന കഠോരമി അണ്ഡകടാഹത്തിലെ ​ഗാനം പുറത്ത്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ