മോഹൻലാലിനൊപ്പം കല്യാണിയുടെ വർക്കൗട്ട്, ഫോട്ടോ വൈറൽ

മലയാളത്തിന്റെ പ്രിയതാരം മോഹൻലാൽ വർക്കൗട്ട് ചിത്രങ്ങൾ പങ്കുവെച്ച് ആരാധകരെ അമ്പരപ്പിക്കാറുണ്ട്. ഇപ്പോൾ മോഹൻലാലിനൊപ്പമുള്ള നടി കല്യാണി പ്രിയദർശന്റെ ചിത്രമാണ് സോഷ്യൽ മീഡിയയിൽ വൈറലാവുന്നത്. തന്റെ ഇൻസ്റ്റ​ഗ്രാം അക്കൗണ്ടിലൂടെയാണ് കല്യാണി ജിം ഫോട്ടോ പോസ്റ്റ് ചെയ്തത്. 

പവർ പോസിലുള്ള മിറർ ചിത്രമാണ് താരം ചിത്രം പങ്കുവെച്ചത്. അദ്ദേഹത്തിന്റെ വാം അപ്പിന്റെ അത്രയുമാണ് തന്റെ മുഴുവൻ വർക്കൗട്ട് എന്ന രസികൻ അടിക്കുറുപ്പും കല്യാണി നൽകി. എന്തായാലും ഇരുവരുടേയും ചിത്രം ആരാധകരുടെ മനസു കീഴടക്കുകയാണ്. 

മോഹൻലാല്‍ നായകനാകുന്ന പുതിയ ചിത്രത്തിലാണ് കല്യാണി പ്രിയദര്‍ശൻ ഇപോള്‍ അഭിനയിച്ചുകൊണ്ടിരിക്കുന്നത്. മോഹൻലാലിന്റെ ബ്രോ ഡാഡി ചിത്രം സംവിധാനം ചെയ്യുന്നത് പൃഥ്വിരാജാണ്. ഹൈദരാബാദിലാണ് ചിത്രത്തിന്റെ ഷൂട്ടിങ് നടക്കുന്നത്. ആന്റണി പെരുമ്പാവൂര്‍ തന്നെയാണ് ചിത്രം  നിര്‍മിക്കുന്നത്. അഭിനന്ദൻ രാമാനുജം ആണ് ചിത്രത്തിന്റെ ഛായാഗ്രാഹകൻ.