"എന്റെ പ്രിയപ്പെട്ട കൂട്ടുകാരനുമായി ഞാൻ പ്രണയത്തിലാണ്"; വിഡിയോ പങ്കുവച്ച് ദിയ കൃഷ്ണ 

പ്രണയം ആദ്യമായി തുറന്ന് പറഞ്ഞ് നടൻ കൃഷ്ണകുമാറിന്റെ മകൾ ദിയ കൃഷ്ണ. ഇൻസ്റ്റ​ഗ്രാമിലൂടെയും നൃത്ത വിഡിയോകളിലൂടെയും നിരവധി ആരാധകരുള്ള ദിയ ആദ്യമായാണ് തന്റെ പ്രണയം വെളിപ്പെടുത്തുന്നത്. അടുത്ത സുഹൃത്തായ വൈഷ്ണവ് ഹരിചന്ദ്രൻ ആണ് ദിയയുടെ കാമുകൻ. 

ഒന്നിച്ചുള്ള നിമിഷങ്ങൾ കോർത്തിണക്കിയ വിഡിയോ പങ്കുവച്ചാണ് ഇരുവരും പ്രണയം പരസ്യമാക്കിയത്. ‘അതെ, എന്റെ പ്രിയപ്പെട്ട കൂട്ടുകാരനുമായി ഞാൻ പ്രണയത്തിലാണ്’, വിഡിയോയ്‌ക്കൊപ്പം ദിയ കുറിച്ചതിങ്ങനെ. ദിയയും വൈഷ്ണവും ഒന്നിച്ച നിരവധി ഡാൻസ് വിഡിയോകൾ ഇതിനോടകം വൈറലായിക്കഴിഞ്ഞു. 

ഇരുവരും പ്രണയത്തിലാണെന്നും നേരത്തെ ​ഗോസിപ്പുകൾ പുറത്ത് വന്നിരുന്നു. "ഞങ്ങളുടെ റിലേഷൻഷിപ്പ് സ്റ്റാറ്റസിനെക്കുറിച്ച് ഇപ്പോഴും സംശയമുള്ള എന്റെ ഇൻസ്റ്റാ​ഗ്രാം കുടുംബാം​ഗങ്ങളോട്, അതേ ഞങ്ങൾ പ്രണയത്തിലാണ്.. എന്റെ അടുത്ത സുഹൃത്ത് ഇപ്പോൾ എന്റെ കാമുകിയാണ്... വൈഷ്ണവ് കുറിച്ചു.