'സിബിഐ തലച്ചോർ'; മമ്മൂട്ടി ചിത്രത്തിന്റെ പേര് പുറത്ത്

മലയാളികൾ ഏറെ പ്രതീക്ഷയോടെയാണ് മമ്മൂട്ടി സേതുരാമയ്യർ സിബിഐക്കായി കാത്തിരിക്കുന്നത്. ചിത്രത്തിന്റെ അഞ്ചാം ഭാ​ഗത്തേക്കുറിച്ചുള്ള ഓരോ വാർത്തകളും ആരാധകർ ആഘോഷമാക്കാറുണ്ട്. ഇപ്പോൾ ചിത്രത്തിന്റെ പേര് പുറത്തുവിട്ടിരിക്കുകയാണ്. സിബിഐ 5 ദി ബ്രെയ്ൻ എന്നാണ് പേര് നൽകിയിരിക്കുന്നത്. സിബിഐ സീരീസിന്റെ മാസ്റ്റർപീസ് തീം മ്യൂസിക്കിന്റെ അകമ്പടിയോടെയാണ് മോഷൻ പോസ്റ്ററായാണ് ടൈറ്റിൽ പുറത്തുവിട്ടത്.

നോൺ വയലന്റ് ഇൻവസ്റ്റി​ഗേറ്റർ

ചുവന്ന കുറിയും തൊട്ട് കൈ പിന്നിൽ കെട്ടി നിൽക്കുന്ന മമ്മൂട്ടിയേയും പോസ്റ്ററിൽ കാണാം. ലോകത്തിലെ ഏറ്റവും സമാധാന പ്രിയനായ അന്വേഷണ ഉദ്യോ​ഗസ്ഥൻ എന്നും സേതുരാമയ്യർ സിബിഐയെക്കുറിച്ച് പോസ്റ്ററിൽ എഴുതിയിട്ടുണ്ട്. എന്തായാലും  ആരാധകർക്കിടയിൽ വൈറലാവുകയാണ് വിഡിയോ. 

സേതുരാമയ്യരുടെ നാല് സൂപ്പർഹിറ്റുകൾ

എസ്എൻ സ്വാമിയുടെ തിരക്കഥയിൽ കെ. മധു തന്നെയാണ് ചിത്രത്തിന്റെ അഞ്ചാം ഭാ​ഗം ഒരുക്കുന്നത്. മലയാള സിനിമയിൽ നിരവധി ബ്ലോക്ക് ബസ്റ്റർ ഹിറ്റുകൾ സമ്മാനിച്ച സ്വർഗ്ഗചിത്രയുടെ വർഷങ്ങൾക്ക് ശേഷമുള്ള ശക്തമായ തിരിച്ചുവരവ് കൂടിയാണ് ഈ ചിത്രം. സേതുരാമയ്യർ സീരീസിലെ മുൻപിറങ്ങിയ നാലു ഭാഗങ്ങളും സൂപ്പർഹിറ്റുകളായിരുന്നു. 1988-ൽ ഒരു സിബിഐ ഡയറിക്കുറിപ്പ് എന്ന പേരിലായിരുന്നു ആദ്യ വരവ്. ചിത്രം ബോക്‌സോഫോസിൽ തരംഗമായതോടെ 1989-ൽ ജാഗ്രത എന്ന പേരിൽ ചിത്രത്തിന്റെ രണ്ടാം ഭാ​ഗം എത്തി. ഇത് വൻ വിജയമായതോടെയാണ് 2004-ൽ സേതുരാമയ്യർ സിബിഐ, 2005-ൽ നേരറിയാൻ സിബിഐ എന്നീ ചിത്രങ്ങളും റിലീസ് ചെയ്തത്. 13 വർഷങ്ങൾക്ക് ശേഷമാണ് അഞ്ചാം ഭാ​ഗം എത്തുന്നത്.