മമ്മൂട്ടിയും ജ്യോതികയും പ്രധാന വേഷത്തിലെത്തുന്ന കാതൽ സിനിമയിൽ ആദ്യ ഗാനം പുറത്ത്. എന്നും എൻ കാവൽ എന്നു തുടങ്ങുന്ന ഗാനത്തിന്റെ ലിറിക് വിഡിയോ ആണ് പുറത്തുവന്നത്. മമ്മൂട്ടിയുടേയും ജ്യോതികയുടേയും പ്രണയവും ജീവിതവുമെല്ലാം നിറഞ്ഞു നിൽക്കുന്നതാണ് ഗാനം.
മനോഹരമായ മെലഡി ഗാനം ജി വേണുഗോപാലും ചിത്രയും ചേർന്നാണ് ആലപിച്ചിരിക്കുന്നത്. അൻവർ അലിയു‌ടെ വരികൾക്ക് സംഗീതം നൽകിയിരിക്കുന്നത് മാത്യൂസ് പുളിക്കൻ ആണ്. ജിയോ ബേബി സംവിധാനം ചെയ്യുന്ന ചിത്രം നിർമിക്കുന്നത് മമ്മൂട്ടി കമ്പനിയാണ്. ജ്യോതിക ആദ്യമായാണ് മമ്മൂട്ടിക്കൊപ്പം അഭിനയിക്കുന്നത് എന്ന പ്രത്യേകതയും ചിത്രത്തിന് ഉണ്ട്. നവംബര്‍ 23നാണ് കാതല്‍ തിയറ്ററില്‍ എത്തുക.
എന്തായാലും ആരാധകരെ ആകാംക്ഷയിൽ നിർത്തിയിരിക്കുകയാണ് ഗാനം. ഏത് വിഭാഗത്തിൽപെടുന്നതാണ് ചിത്രമെന്ന് പറയാനാകുന്നില്ല എന്നാണ് ആരാധകരുടെ കമന്റുകൾ. സമീപകാലത്ത് വ്യത്യസ്ത കഥാപാത്രങ്ങളിലൂടെ അമ്പരപ്പിക്കാറുള്ള മമ്മൂട്ടിയുടെ ഈ ചിത്രവും പ്രേക്ഷകർക്ക് നൽകുന്ന പ്രതീക്ഷ ചെറുതല്ല. ഗോവ രാജ്യാന്തര ചലച്ചിത്രോത്സവത്തിലും ഐഎഫ്എഫ്കെയിലും കാതൽ പ്രദര്‍ശിപ്പിക്കുന്നുണ്ട്. മമ്മൂട്ടി കമ്പനിയാണ് ചിത്രം നിര്‍മിച്ചിരിക്കുന്നത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
