എന്റെ ഭാ​ഗ്യം, ജോയ്മോന് പിറന്നാൾ ആശംസകളുമായി മീര ജാസ്മിൻ; വൈറൽ

ദിവസങ്ങൾക്ക് മുൻപാണ് നടി മീര ജാസ്മിൻ ഇൻസ്റ്റ​ഗ്രാമിലേക്ക് എത്തിയത്. താരം പങ്കുവച്ച പോസ്റ്റുകളെല്ലാം സോഷ്യൽ മീഡിയയിൽ വൈറലായിരുന്നു. ഇപ്പോൾ തന്റെ മൂത്ത സഹോദരന് പിറന്നാൾ ആശംസകൾ അറിയിച്ചുകൊണ്ടുള്ള താരത്തിന്റെ കുറിപ്പാണ് വൈറലാവുന്നത്. തന്റെ ഭാ​ഗ്യമാണ് സഹോദരൻ ജോയ് മോൻ എന്നാണ് താരം കുറിച്ചിരിക്കുന്നത്. 

മീരയുടെ പോസ്റ്റ്

മൈ ലക്കി ചാം, മൂത്ത സഹോദരന്റെ ജന്മദിനമായിരുന്നു. നിന്റെ ആരോഗ്യത്തിനും സമാധാനത്തിനും സമൃദ്ധിക്കും വേണ്ടി എപ്പോഴും ഞാൻ ആഗ്രഹിക്കുകയും പ്രാർത്ഥിക്കുകയും ചെയ്യുന്നു. ലവ് യു ജോയ് മോൻ കുട്ടാ.- മീര ജാസ്മിൻ കുറിച്ചു. താരത്തിന്റെ അമ്മയ്ക്കൊപ്പം ജോയ്മോൻ കേക്ക് മുറിച്ച് പിറന്നാൾ ആഘോഷിക്കുന്നതിന്റെ ചിത്രവും താരം പങ്കുവച്ചിട്ടുണ്ട്. കൂടാതെ സഹോദരനും ഒന്നിച്ചുള്ള പഴയ ചിത്രവും ഉൾപ്പെടുത്തിയിട്ടുണ്ട്. 

ഇൻസ്റ്റ​ഗ്രാം എൻട്രി 

വർഷങ്ങൾക്ക് ശേഷം സിനിമയിലേക്ക് തിരിച്ചുവരവിന് ഒരുങ്ങുകയാണ് മീര ജാസ്മിൻ. സത്യൻ അന്തിക്കാട് സംവിധാനം ചെയ്യുന്ന ‘മകൾ’ എന്ന സിനിമയിലൂടെയാണ് മീരയുടെ മടങ്ങിവരവ്. അതിനു പിന്നാലെയാണ് ഇൻസ്റ്റ​ഗ്രാമിലേക്കുള്ള താരത്തിന്റെ എൻട്രി. സോഷ്യൽ മീഡിയയിൽ നിന്ന് അകലം പാലിച്ചിരുന്ന താരമാണ് മീര. എന്നിട്ടും താരത്തിന്റെ വിഡിയോകളും ചിത്രങ്ങളുമെല്ലാം വൈറലാവാറുണ്ട്. ഇതിനോടകം രണ്ടു ലക്ഷത്തോളം പേരാണ് താരത്തെ ഫോളോ ചെയ്യുന്നത്.