വയലിനിസ്റ്റ് ബാലഭാസ്കറിന്റെ അഞ്ചാം ചരമവാർഷികത്തിൽ ഉറ്റ സുഹൃത്തിനെ ഓർത്ത് സംഗീതജ്ഞൻ സ്റ്റീഫൻ ദേവസ്സി. "അഞ്ച് വർഷങ്ങൾ കടന്നുപോയി, പക്ഷേ നിന്റെ ഓർമകൾ ഇപ്പോഴും ഞങ്ങളുടെ ഹൃദയങ്ങളിൽ തിളങ്ങി നിൽക്കുന്നു" എന്നാണ് ഇരുവരും ഒന്നിച്ചുള്ള ചിത്രം സ്റ്റീഫൻ ദേവസ്സി കുറിച്ചത്. ബാലഭാസ്കർ വിടപറഞ്ഞിട്ട് അഞ്ച് വർഷമായെന്ന് വിശ്വസിക്കാനാകുന്നില്ലെന്നും ആ സംഗീതം ഇപ്പോഴും കണ്ണ് നനയിക്കുന്നുവെന്നും ആരാധകരും കുറിച്ചു.
2018 സെപ്റ്റംബർ 24നാണ് ദാരുണമായ അപകടം നടന്നത്. തൃശൂർ വടക്കുംനാഥ ക്ഷേത്രത്തിൽ മകളുടെ പേരിലുള്ള നേർച്ചയ്ക്കു പോയി മടങ്ങും വഴി തിരുവനന്തപുരം പള്ളിപ്പുറത്തിനു സമീപമായിരുന്നു അപകടം. രണ്ടു വയസുകാരിയായ മകൾ തേജസ്വിനി അപ്പോൾ തന്നെ മരിച്ചിരുന്നു. ദിവസങ്ങൾക്ക് ശേഷമാണ് ബാലഭാസ്കർ മരണത്തിന് കീഴടങ്ങിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
