'ബാലയ്യയുടെ പടത്തിൽ നിന്ന് ഇതിനപ്പുറം വേറെ എന്താണ് പ്രതീക്ഷിക്കേണ്ടത് ? ഇത് അഖണ്ഡ പ്രോ മാക്സ്'; ടീസറിന് ട്രോൾമഴ

അഖണ്ഡയുടെ ആദ്യ ഭാഗത്തിലെ ഗെറ്റപ്പിലും ബാലകൃഷ്ണ ടീസറില്‍ പ്രത്യക്ഷപ്പെടുന്നുണ്ട്.
Akhanda 2
Akhanda 2വിഡിയോ സ്ക്രീൻഷോട്ട്
Updated on
1 min read

നന്ദമൂരി ബാലകൃഷ്ണ നായകനായെത്തുന്ന പുതിയ ചിത്രമാണ് അഖണ്ഡ 2. ഡാക്കു മഹാരാജിന് ശേഷം ബാലയ്യ നായകനാകുന്ന ചിത്രത്തിന്റെ പുതിയ ടീസറാണ് ഇപ്പോൾ സോഷ്യല്‍ മീഡിയയിൽ ചര്‍ച്ചയാകുന്നത്. ഇതുവരെ വന്നതില്‍ വെച്ച് ഏറ്റവും മാസ് മൊമന്റുകള്‍ നിറഞ്ഞ ടീസറാണിതെന്ന് അണിയറപ്രവര്‍ത്തകര്‍ അവകാശപ്പെടുന്നു. അഖണ്ഡയുടെ ആദ്യ ഭാഗത്തിലെ ഗെറ്റപ്പിലും ബാലകൃഷ്ണ ടീസറില്‍ പ്രത്യക്ഷപ്പെടുന്നുണ്ട്.

ആരാധകര്‍ക്ക് പരമാവധി ആഘോഷമാക്കാനുള്ള എല്ലാ ഘടകങ്ങളും ചിത്രത്തിലുണ്ടാകുമെന്ന് ടീസര്‍ ഉറപ്പു നൽകുന്നുണ്ട്. ബാലകൃഷ്ണയുടെ ട്രേഡ്മാര്‍ക്ക് ഐറ്റമായ ഓവര്‍ ദ് ടോപ് ഫൈറ്റുകളുടെ വലിയൊരു ശേഖരം അഖണ്ഡ 2 വിലുണ്ട്. ബൗണ്‍സ് ചെയ്ത് വരുന്ന ശൂലമെടുത്ത് വില്ലനെ കുത്തുക, ഒരു ഗദ കൊണ്ട് നാല് വില്ലന്മാരെ അടിച്ച് തെറിപ്പിക്കുക, ശൂലം കൊണ്ട് വില്ലനെ അടിച്ച് പറപ്പിക്കുക തുടങ്ങിയ ഗംഭീര ആക്ഷന്‍ സീനുകള്‍ പുതിയ ടീസറില്‍ അണിയറപ്രവര്‍ത്തകര്‍ ഉള്‍പ്പെടുത്തിയിട്ടുണ്ട്.

ബാലകൃഷ്ണയുടെ മെഗാ മാസ് അവതാരം തന്നെയാകും അഖണ്ഡ 2. അടുത്തിടെ പുറത്തിറങ്ങിയ ട്രെയ്‌ലറും സിനിമാ ലോകത്ത് ചര്‍ച്ചയായിരുന്നു. മെഷീന്‍ ഗണ്‍ ശൂലം ഉപയോഗിച്ച് ഫയര്‍ ചെയ്യുന്ന സീനെല്ലാം വലിയ രീതിയില്‍ ചര്‍ച്ച ചെയ്യപ്പെട്ടു. ഡാക്കു മഹാരാജിന് ശേഷം സ്‌ക്രിപ്റ്റ് സെലക്ഷന്റെ കാര്യത്തില്‍ ബാലകൃഷ്ണ നന്നായി എന്ന് കരുതിയെങ്കിലും വീണ്ടും പഴയ ട്രാക്കിലേക്ക് മടങ്ങിയെന്നാണ് പലരും അഭിപ്രായപ്പെടുന്നത്.

Akhanda 2
'ഹരീഷേ, എന്തുകൊണ്ടാ ധര്‍മജന്‍ താങ്കളെപ്പോലെ പരസ്യമായി അവഹേളിക്കാത്തത്?; പറ്റിച്ചിട്ട് ബാദുഷ എവിടെപ്പോയി ഒളിക്കാനാണ്?'

2021ല്‍ പുറത്തിറങ്ങിയ അഖണ്ഡയുടെ രണ്ടാം ഭാഗമാണ് ഇപ്പോള്‍ പുറത്തിറങ്ങുന്നത്. കോവിഡ് പ്രതിസന്ധികള്‍ക്കിടയിലും 120 കോടിയിലേറെ സ്വന്തമാക്കാന്‍ ചിത്രത്തിന് സാധിച്ചിരുന്നു. കേരളത്തിലും ബാലകൃഷ്ണക്ക് ആരാധകരുണ്ടായി തുടങ്ങിയത് അഖണ്ഡക്ക് ശേഷമാണ്.

Akhanda 2
'ജോർജ് സാറിനെ എന്തുകൊണ്ടാണ് ലളിത കൊല്ലാതിരുന്നത് ?' മറുപടിയുമായി സംവിധായകൻ

നാല് വര്‍ഷങ്ങള്‍ക്കിപ്പുറം രണ്ടാം ഭാഗവുമായി ബാലയ്യ എത്തുന്നത് വെറുതേയാകില്ലെന്നാണ് കരുതുന്നത്. മലയാളി താരം സംയുക്ത മേനോനാണ് ചിത്രത്തിലെ നായിക. ആദി പിനിഷെട്ടിയാണ് ചിത്രത്തിൽ വില്ലനായെത്തുന്നത്.

Summary

Cinema News: Nandamuri Balakrishna starrer Akhanda 2 teaser out.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

Related Stories

No stories found.
X
logo
Samakalika Malayalam - The New Indian Express
www.samakalikamalayalam.com