നേഹ ദൂപിയ വീണ്ടും അമ്മയായി, മകന്‍ പിറന്ന സന്തോഷം പങ്കുവെച്ച് അങ്കത് ബേദി

ബോളിവുഡ് താരദമ്പതികളായ നേഹ ദൂപിയയ്ക്കും നടന്‍ അങ്കത് ബേദിക്കും രണ്ടാമത്തെ കുഞ്ഞു പിറന്നു. ആണ്‍കുഞ്ഞ് ജനിച്ച സന്തോഷം അങ്കത് തന്നെയാണ് സോഷ്യല്‍ മീഡിയയിലൂടെ അറിയിച്ചത്. 

ഒരു ആണ്‍കുഞ്ഞിനെ തന്ന് സര്‍വ്വശക്തന്‍ ഞങ്ങളെ അനുഗ്രഹിച്ചു. നേഹയും കുഞ്ഞും സുഖമായിരിക്കുന്നു.- എന്നാണ് അങ്കത് കുറിച്ചത്. ഇവര്‍ക്ക് മെഹര്‍ എന്ന പേരുള്ള ഒരു മകള്‍ കൂടിയുണ്ട്. 2018ലാണ് മെഹര്‍ ജനിച്ചത്. കുഞ്ഞ് എന്ന പദവി പുതിയ ആള്‍ക്ക് കൈമാറാന്‍ മെഹര്‍ കാത്തിരിക്കുകയാണ്. ഈ യാത്രയെ കരുത്തോടെ പോരാടിയതിന് മേഹയ്ക്കു നന്ദി പറയുന്നതായും അങ്കത് കുറിച്ചു. 

നേഹയ്‌ക്കൊപ്പമുള്ള മറ്റേണിറ്റി ഫോട്ടോഷൂട്ട് പങ്കുവെച്ചുകൊണ്ടാണ് കുറിപ്പ്. ജൂലൈ 19നാണ് നേഹയും അങ്കത് രണ്ടാമതും അച്ഛനും അമ്മയുമാകാന്‍ പോകുന്നതിന്റെ സന്തോഷം പങ്കുവെച്ചത്. 2018ലാണ് ഇരുവരും വിവാഹിതരാവുന്നത്.