'ദുൽഖറും ജയം രവിയും കഷ്ടിച്ച് രക്ഷപ്പെട്ടു! കരിയറിലെ ഏറ്റവും മികച്ച തീരുമാനം'; ത​ഗ് ലൈഫിന് പിന്നാലെ നടൻമാർക്ക് കൈയടിച്ച് ആരാധകർ

മണിരത്നവും കമൽ ഹാസനും വർഷങ്ങൾക്ക് ശേഷം ഒന്നിച്ചെത്തിയ ത​ഗ് ലൈഫ് (Thug Life) ഈ മാസം അഞ്ചിന് തിയറ്ററുകളിലെത്തി. സമ്മിശ്ര പ്രതികരണമാണ് ചിത്രത്തിന് തിയറ്ററുകളിൽ നിന്ന് ലഭിക്കുന്നത്. ത​ഗ് ലൈഫിൽ നടൻ ചിമ്പു ചെയ്ത അമർ എന്ന കഥാപാത്രത്തിനായി ആദ്യം പരി​ഗണിച്ചത് നടൻ ദുൽഖർ സൽമാനെയായിരുന്നു. എന്നാൽ ദുൽഖറിന് മറ്റു സിനിമകളുടെ തിരക്കുകൾ കാരണം ചിത്രത്തിന്റെ ഭാ​ഗമാകാൻ കഴിഞ്ഞിരുന്നില്ല.

ത​ഗ് ലൈഫ് ഒഴിവാക്കിയതിന് പിന്നാലെ ദുൽഖറിന് വൻ തോതിൽ വിമർശനങ്ങളും നേരിടേണ്ടി വന്നിരുന്നു. ത​ഗ് ലൈഫ് റിലീസിനെത്തിയതോടെ ദുൽഖർ തന്റെ കരിയറിൽ എടുത്ത ഏറ്റവും മികച്ച തീരുമാനങ്ങളിൽ ഒന്നായിരുന്നു ഇതെന്നാണിപ്പോൾ സോഷ്യൽ മീഡിയയിൽ നിറയുന്ന കമന്റുകൾ. നടൻ രവി മോഹനെയും (ജയം രവി) ചിത്രത്തിൽ ഒരു കഥാപാത്രത്തിനായി പരി​ഗണിച്ചിരുന്നു.

ജയം രവിയും മറ്റ് സിനിമാ തിരക്കുകൾ കാരണമാണ് ത​ഗ് ലൈഫ് ഒഴിവാക്കിയത്. ഇരുവരും എന്തുകൊണ്ടും ത​ഗ് ലൈഫ് ഒഴിവാക്കിയത് നന്നായി എന്ന് തന്നെയാണ് ആരാധകരും സോഷ്യൽ മീഡിയ ഉപയോക്താക്കളും ഒന്നടങ്കം പറയുന്നത്.

'തഗ് ലൈഫിൽ നിന്ന് ഒഴിവായപ്പോൾ മണ്ടത്തരം കാണിച്ച പോലെ തോന്നി... പക്ഷേ ദുൽഖറിന്റെ ഏറ്റവും മികച്ച തീരുമാനം', 'എന്ത് കൊണ്ടും ത​ഗ് ലൈഫിൽ നിന്ന് ഒഴിവായത് DQന് ഗുണം ആയതേ ഉള്ളൂ... പകരം പോയി ചെയ്തത് ലക്കി ഭാസ്കർ. പടം 100cr കേറി, ബ്ലോക്ബസ്റ്ററും ആയി, തെലുങ്കാന ഫിലിം അവാർഡും കിട്ടി...'- എന്നൊക്കെയാണ് സോഷ്യൽ മീഡിയയിൽ നിറയുന്ന കമന്റുകൾ.

അന്ന് മീര ജാസ്മിനൊപ്പം ഡാൻസ് കളിച്ച കുട്ടി! ഇന്ന് തെന്നിന്ത്യയിലെ സൂപ്പർ നായിക; വൈറലായി ചിത്രങ്ങൾ

ലക്കി ഭാസ്കർ എന്ന ചിത്രത്തിന്റെ തിരക്കുകൾ കാരണമായിരുന്നു ദുൽഖർ സൽമാൻ ത​ഗ് ലൈഫ് നിരസിച്ചത്. ലക്കി ഭാസ്കർ 100 കോടി ക്ലബ്ബിൽ ഇടം നേടുകയും ചെയ്തു. ജെനി എന്ന ചിത്രത്തിന്റെ ഷൂട്ടിലായിരുന്നതു കൊണ്ട് ജയം രവിയും തഗ് ലൈഫിലെ ഓഫർ വേണ്ടെന്ന് വയ്ക്കുകയായിരുന്നു.