വൻ സ്റ്റൈലിഷായി നിവിൻ പോളി; ഡബ്സിയുടെ പാട്ടിന് ​ചുവടുവച്ച് താരം; ട്രെൻഡിങ്ങായി വിഡിയോ

യൂട്യൂബിൽ ട്രെൻഡിങ്ങായി നടൻ നിവിൻ പോളി അഭിനയിച്ച ആൽബം ​ഗാനം ‘ഹബീബീ ഡ്രിപ്പ്’. വൻ സ്റ്റൈലിഷായാണ് താരം വിഡിയോയിൽ പ്രത്യക്ഷപ്പെടുന്നത്. റാപ്പർ ഡബ്സിയാണ് ​ഗാനത്തിന്റെ രചനയും ആലാപനവും നിർവഹിച്ചത്. യൂട്യൂബിൽ ട്രെൻഡിങ് നമ്പർ 2 ആയി മുന്നേറുകയാണ് വിഡിയോ. ഇതിനോടകം 40 ലക്ഷത്തോളം പേരാണ് വിഡിയോ കണ്ടത്.

​ഗംഭീര ഡാൻസ് മൂവുകളുമായാണ് നിവിൻ എത്തുന്നത്. വിദേശത്താണ് ഗാനം പൂർണമായും ചിത്രീകരിച്ചത്. താരത്തിന്റെ ലുക്ക് സോഷ്യൽ മീ‍ഡിയയിൽ വൻ വൈറലാവുകയാണ്. ഈ നിവിനെയാണ് കാത്തിരുന്നത് എന്നാണ് ആരാധകരുടെ കമന്റുകൾ. അടുത്ത സിനിമയിൽ ഈ ലുക്കിൽ വരാനും ആരാധകർ താരത്തോട് ആവശ്യപ്പെടുന്നുണ്ട്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

റിബിൻ റിച്ചാർഡ് പാട്ടിന്റെ ഈണമൊരുക്കി. പാട്ടിന്റെ നിർമാണവും റിബിൻ തന്നെയാണ്. ഷാഹിൻ റഹ്മാൻ, നിഖിൽ രാമൻ എന്നിവർ ചേർന്നാണു ‘ഹബീബീ ഡ്രിപ്പി’ന്റെ സംവിധാനം നിർവഹിച്ചിരിക്കുന്നത്. കുട്ടു ശിവാനന്ദന്റേതാണ് ആശയം. രജിത് ദേവ് നൃത്തസംവിധാനം നിർവഹിച്ചിരിക്കുന്നു. ഹബീബി ഡ്രിപ്പിനു വേണ്ടി ക്യാമറ ചലിപ്പിച്ചത് സംവിധായകരിലൊരാളായ നിഖിൽ രാമനും അസം മുഹമ്മദും ആണ്. എഡിറ്റിങ്: ഷാഹിൻ റഹ്മാൻ.